Ги одбиле за азил, а сепак живеат во Германија
Во Германија живеат повеќе од половина милион мигранти чии барања за азил се одбиени.
Објавено во: Свет 22 Септември, 2016
Над 500.000 луѓе живеат во Германија иако нема да добијат азил во земјата.
Од нив најголем дел се од Турција, (77,600), а потоа следат граѓаните на Косово (68,549) и Србија има 50,817 одбиени баратели на азил.
Косово и Србија во Германија се третираат како „безбедни држави“. Граѓаните од овие две земји освен во исклучителни ситуации не можат да добијат азил.
Од нив три четвртини живеат во Германија повеќе од шест години. Ова стои во извештајот на Федералната влада во Берлин, подготвен на барање на парламентарната група на партијата „Левица“.
Во Германија има 168.212 луѓе кои имаат статус на „толерирани лица“, од кои 100.000 се со одбиени апликации за азил. Околу 37.000 луѓе остануваат во државата бидејќи немаат пасоши.
Половината од одбиените баратели на азил имаат неограничена дозвола за престој.