Германците го кршат ветувањето, каде праќаат толку оружје?
Објавено во: Свет 20 Февруари, 2016
Германија минатата година го удвоила извозот на оружја, чија сопственост достигнала околу осум милијарди евра, според објавените податоци на германската влада.
Тоа е , како што оценуваат експертите, во спротивност со ветувањето на официјален Берлин дека ќе ја ограничи количината на оружја кои ги продаваат во странство.
„Минатогодишното зголемување на извозот пред се е последица на вонредните фактори, како што се вредните договори за испорака на авиони-танкери за Британија и ракети за Јужна Корена“, изјавил германскиот министер за економија Зигмар Габриел, во текот на претставувањето на овие податоци.
„На зголемувањето на извозот, исто така, допринеле испораките на тенкови „leopard 2“ за Катар, според договорот кој во 2013 го одобрила претходната германска влада“, објаснил Габриел, додавајќи дека тој не би дал „зелено светло“ за нивниот извоз доколку одлуката зависела од него.
Германското министерство за економија е задолжено за одобрување на извозот на оружја, а Габриел кон крајот на 2013, кога дошол на функцијата министер за економија, ветил дека ќе го ограничи извозот.
Официјален Берлин намерно сакал да го ограничи извозот на лесното оружје и внимателно да го следи по излегувањето од земјата, наведува француската агенција Франс прес.