Германија размислува за враќање на војската
Објавено во: Свет 24 Август, 2016
Германската Влада размислува за враќање на задолжителната воена служба поради можните закани за безбедноста на земјата.
Ова го пренесува ДПА, цитирајќи доверлив документ кој Владата треба да го разгледа. Извештајот со предлогот е изготвен од Министерството за внатрешни работи и е со две главни насоки: подготовка на земјата за евентуално распоредување на НАТО сили и зајакнување на цивилната заштита.
„Напад на германска територија, што ќе бара конвенционална одбрана, е малку веројатен"- се наведува во извештајот, долг скоро 70 страници.
Мерките за зајакнување на цивилната заштита, сепак се потребни, бидејќи не може да се исклучи закана за безбедноста во иднина и земјата треба да е доволно подготвена за евентуално конкретизирање на дадена закана.
Задолжителниот воен рок беше укинат пред пет години, со образложение дека веќе нема геополитичка потреба од тоа. Германија сепак ја преиспита својата стратегија за безбедност по два терористички напади и едно масовно убиство минатиот месец.