ФРИДОМ ХАУС: Македонија е земја со хибриден режим - кои земји од регионот и прават друштво?
Објавено во: Македонија 04 Април, 2017
Македонија се наоѓа во групата земји со хибридни режими.
Ова е наведено во извештајот на Фридом Хаус насловен „Земји во транзиција“, кој излезе денеска.
Македонија годинава бележи пад во сите категории, вклучувајќи демократско владеење, изборен процес, независност на судството, каде се истакнува политичкото влијание врз судовите и пречките врз Специјалното јавно обвинителство.
„Поради неказнивост во случаи од висок профил, корпуцијата е поприсутна отколку што претходно се мислеше“- стои во извештајот на Фридом Хаус.
Во истата група на Македонија друштво и прават земјите од регионов како Албанија, Косово и Босна и Херцеговина.
„Политичката поларизација меѓу владата и опозицијата стана поизразена откако владејачката политичка елита се бори да остане на власт. Дејствијата на владејачката партија и политичката клима во целост ги спречи спроведувањето на итните демократски приоритети барани од страна на Европската унија (ЕУ). Потребни се значителни реформи за да се врати земјата назад на патот на демократизацијата“- се вели во извештајот.