Франција во криза за бензин, даваат по 20 литри на човек
Објавено во: Свет 24 Мај, 2016
Криза за гориво ја зафати Франција, откако штрајк ги блокира сите 8 нафтени рафинерии во земјата.
На 1600 бензински пумпи од вкупно 12 000 во Франција нема гориво или е при крај, откри министерот за транспорт, Ален Виделис.
Демонстрациите се против новите реформи во трудовото законодавство.
Полицијата интервенираше за да ги растера демонстрантите пред рафинеријата „Фос сур Мер" крај Марсеј, што доведе до судири. Властите употребија солзавец и водени топови против незадоволните луѓе кои пак запалија гуми.
Премиерот на Франција, Мануел Валс инсистираше на тоа дека промените во законодавството ќе останат. Тој беше категоричен дека земјата има доволно резерви за да се справи со недостигот на горива.