(ФОТО) ЦРН ДЕН: Во Италија денес ден на жалост и државен погреб на жртвите од страшниот земјотрес
Објавено во: Свет 27 Август, 2016
Во Италија денес ќе биде Ден на жалост и државен погреб, откако во силниот земјотрес, кој во средата ги погоди централните делови на Италија, настрадаа над 270 лица.
Италијанската влада одлучи денес да се одржи и државен погреб за поедини жртви од земјотресот, на кој, како што пренесе новинската агенција АНСА, ќе присуствува претседателот Серџио Матарела.
Исто така, знамињата ќе бидат спуштени на половина копје на сите државни институции.
Погребот во фискултурната сала во градот Асколи Пичено, во средна Италија, ќе биде одржан за жртвите од градчето Арквата дел Тронто. Во тоа градче и околната населба Пескара дел Тронто загинале 49 лица.
Италија прогласи вонредна состојба во областите кои се најпогодени од земјотресот, кој во средата ги погоди централните делови на земјата.
Премиерот на Италија Матео Ренци рече дека ќе бидат издвоени 50 милиони евра за обнова.
Се помалку надеж има дека 5000 спасувачи ќе пронајдат уште некој од преживеаните, а нивните напори ги загрозуваат над стотина накнадни потреси.
Според најновите податоци, во силниот земјотрес, кој во средата ги погоди централните делови на Италија, загинале 267 лица, а 400 од нив се повредени.
[embed width="700" height="450" ]https://youtu.be/ch6pSmEpS2k[/embed]