(ФОТО) ПРАЗНИ УЛИЦИ: Граѓаните останаа дома, го почитуваат полицискиот час
Објавено во: Македонија, Корона Вирус 23 Март, 2020
Граѓаните го почитуваат полицискиот час, во моментов наригорозната мерка што ја донесе владата на итна седница со цел да се спречи ширењето на пандемијата од коронавирусот од кој во земјава досега се заразени 114 лица, а регистриран е и првиот смрттен случај.
Премиерот Оливер Спасовски,
кој синоќа излезе на терен, во изјавата за медиумите истакна:
„Ова е моментот кога за прв пат во историјата воведуваме ограничено движење на граѓаните заради спречување на ширењето на коронавирусот. Знаете сите дека сега ништо не е исто, во вакви околности и однесувањето е вонредно и одговорно. Граѓаните да ја почитуваат мерката и укажувањата на овластените полициските службеници. Многу е важно е да се почитуваат и укажувањата и рестрикциите и за дневни движења.Одговорноста е на сите нас. Не е само на здравството, на полицијата, на армијата, туку оваа мерка треба да ја почитуваат сите граѓани на нашата земја. Колку поодговорно се однесуваме, толку поодговорно ќе се справиме со целата оваа ситуација. Јас во оваа прилика апелирам до секој граѓанин на одговорност, апелирам да останат дома, да не се излегува без нужна потреба од домовите. Само така ќе застанеме на патот на ширењето на вирусот“, изјави премиерот Спасовски.