ФОТО:Пат „голтна“ 20 автомобили во центарот на Фиренца
Објавено во: Свет 25 Мај, 2016
Пат „голтна“ 20 автомобили во италијанскиот град, Фиренца.
Јама, широка 7 и долга околу 200 метри, се отвори на патот меѓу Понте Векио и Грац, во центарот на Фиренца. Околу 20 автомобили и неколку мотоцикли, паркирани во зоната на пропаѓањето, се најдов во дупката полна со вода. Засега нема информации за настрадани. Пожарникарски и екипи на Брзата помош се на местото на инцидентот.
Пропаѓањето се случил околу 6.30 часот утринава. Според локалните власти причината е кршење на основен водовод со дијаметар од околу 80 см. Надлежните бараат екипите да ја завршат работата што побрзо, за да нема последици за околните згради.