Форензичарите тврдат дека авионот на Египет ер експлодирал?
Објавено во: Свет 24 Мај, 2016
Форензичарите од Египет кои работат на падот на авионот на Египет ер на лет 804, објавија дека човечките остатоци кои се најдени во Медитеранот упатуваат на тоа дека се случила експлозија во авионот.
„Нема ниту едно цело парче од тело, како рака или глава. Логичното објаснување е дека станува збор за експлозија“- вели форензичар.
Тој објаснил дека добиле околу 80 мали парчиња од тела за да ги анализираат. Авионот ербас А320 на Египет ер исчезна од радарите во четвртокот рано наутро со 66 лица, набрзо откако излегол од грчкиот воздушен простор на лет од Париз кон Каиро. Потврдено е дека авионот се урнал во Средоземното Море, но причините за падот се непознати.