Филипче: Тестовите никаде во светот не се 100 отсто сензитивни, првите два кај пациентката од Куманово биле негативни
Објавено во: Македонија, Корона Вирус 22 Март, 2020
Министерот за здравство Венко Филипче објасни подетално за пациентката од Куманово. Првите два теста биле негативни. Тој вели дека тие никаде во светот не се сто отсто сензитивни.
„Првиот преглед на пациентката од Куманово е направен на 16 март, таа дошла со температура, без други симптоми и кашлица. Веднаш биле поставени прашања од епидемиолошката анкета на што таа одговорила негативно, дека не патувала во странство и немала контакт со лица од ризичните земји, дадена е терапија и пуштена била на домашно лекување. Следниот ден, на 17 март дошла со синот и двајцата со зголемена телесна температура и без качица. Повторно е направена епидемиолошка анкета на која се негирани било каква поврзаност или контакт со заболаен или патување во странство, според кажувањата од болницата од Куманово“, објасни министерот.
На 17 и 18 март повторно примаат терапија, немаат кашлица и тоа е во дневната болница. На 19 март со нешто потежок наод на дневните дробови со индикација на рентген снимка констатирана е пневмонија и двајцата се сместени во одделот за изолација. Тогаш кај нив се зеле брисеви. На 19 и 20 направени се во два наврати анализи на материјалот, на 19 на двајцата и тие се негативно. На 20 се повторува тестот на мајката, бидејќи имало потешка клиничка слика, и тој повторен тест е негативен. На 21 состојбата се влошува, направени се обиди за реанимација, за жал без успех, по што пациентката починала. Со оглед што компликацијата настанала нагло и нетипично за некоја друга болест, постмртно земен е уште еден материјал, кој е испитан и тестот е позитивен на коронавирусот. Преиспитани биле материјалите земени иницијално, и пак е потврдено дека се негативни.
„Разговаравме со експертите и користевме литература, тестот никаде во светот не е никаде сто отсто сензитивен и тоа е докажано“, рече министерот.
На здравствените работници им се прави епидемиолошка анкета и ќе се пристапи на протоколите дали ќе одат во изолација.
Можеби ќе ве интересира
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
