Филипче: Обезбеден лекот за малиот херој Јане и други шест деца
Објавено во: Македонија 25 Ноември, 2019
Венко Филипче, министерот за здравство, објави дека е обезбеден лекот Спинраза за малиот Јане Велковски, кој боледува од спинална мускулна атрофија и кој во изминатот период е во центарот на вниманието во Европа, откако говореше на глобалниот самит на Обедитените нации во Њујорк за Светскиот ден на детето.
„Нашиот јунак Јане по враќањето од Њујорк, денеска го прими лекот Спинраза. Овој лек за првпат го обезбедивме во нашата држава за пациентите со спинална мускулна атрофија и сите 7 дечиња го примија лекот. Се грижиме за сите пациенти со ретки болести“, објави Филипче.
После долги години борба, малиот Јане конечно успеа да го добие лекот Спинраза, а заедно со него уште шест други деца.