Филипче: Матичните лекари денеска и утре ќе ги повикуваат граѓаните над 75 години, ги уверувам дека АстраЗенека е безбедна, ќе може да се бира кога ќе стигнат другите вакцини
Објавено во: Македонија 29 Март, 2021
Вакцинацијата почнува во среда, а околу 20 илјади граѓани кои имаат над 75 години ќе се вакцинираат со вакцините на АстраЗенека кои вчера пристигнаа во земјава.
„Денеска се завршуваат сите административни работи во Агенцијата за лекови во однос на дозволата за вакцините од АстраЗенека кои пристигнаа во земјава, да бидат пуштени во употреба. Денеска и утре тие ќе се дистрибуираат во сите градови во земјава и во среда ќе почне прлоцесот онака како што најавивме. Дваесет илјади граѓани кои се пријавија и се на возраст од над 75 години во текот на денешниот и утрешниот ден ќе добијат термини преку матичните лекари, зависно од местото на живеење, во кој пункт, и во кое точно време, од среда натаму да се јават на вакцинација. Разговараме со повеќе заинтересирани институции, постепено се генерираат и други списоци, за да понатаму, во текот на месцот бидеме спремни да и други категории граѓани се вклучат во процесот“, рече министерот за здравство Венко Филипче.
Според него, постарите лица мора да бидат повикани од матичните лекари, бидејќи пред вакцинацијата ќе мора прво да се процени нивната здравствена состојба.
На прашањето дали ако некој ја одбие АстраЗенека може да добие друга вакцина, Филипче рече дека тоа може да се направи кога ќе дојдат и другите вакцини и ќе има избор, но ги уверува сите дека АстраЗенека е безбедна.
Масовната имунизација ќе биде и преку големиот пункт во спортската сала Борис Трајковски, а утрешниот ден почнуваат подготовките и во текот на неделата ќе биде целосно спремен. Таму ќе има 30-тина позиции, каде лекари и сестри од Здравствениот дом ќе ја спроведуваат вакцинацијата.
Според најавите од кинеската Амбасада, како што рече Филипче, тие интензивно работат во делот на обезбедување на точниот датум на транспорт на нивните вакцини. Компанијата Фајзер, пак, го потврдила одговорот и во петокот стигнала потврда дека оваа недела треба да се потпишат договорите со земја челнка на ЕУ и тоа е повторно со компанијата Фајзер.
„Април ќе биде месец кога очекуваме вакцините да стигнат од повеќе места и после оваа приоритетна група граѓани над 65 години и други граѓани да се повикаат и да бидат вакцинирани“, рече Филипче.
Филипче рече дека нема да се вакцинира ниту со оваа тура на вакцини, бидејќи, како што вели ќе им даде приоритет на повозрасните лица. Министерот уверува дека вакцината на Астра зенека е безбедна и нема никакви контраиндикации и дека кога ќе дојде ред да се вакцинира и тој ќе ја прими истата вакцина.
„Граѓаните втората доза од Астра зенека ќе ја примат за три месеци и за ревакцинацијата ќе има обезбедено вакцини. Ве уверувам дека апсолутно нема никакви контраиндикации кај било кој граѓанин. Јас нема да се вакцинирам сега и ќе почекам да биде набавена поголема доза. Но, кога ќе дојдам на ред ќе се вакцинирам со Астра зенека за да покажам дека вакцините се безбедни“, рече министерот.
Н.Н.Ф.
Можеби ќе ве интересира
УТРОВО ПОСТАР АДВОКАТ ПОЧИНАЛ ВО ГРАЃАНСКИОТ СУД - Митровски: Ова е стресна професија која секојдневно зема данок
ЈОВАНА МОЈСОСКА ОД ЛЕВИЦА СО ПОРАКА ЗА ТАРАВАРИ: Ако ги слуша барањата на ЕУ, ќе бара и укинување на Рамковниот балансер
ВРЕДИ СО ТУЖБА ДО УПРАВНИОТ СУД ПРОТИВ ОДЛУКАТА НА ДИК: и ДУИ најавува за сите седум места каде е поништено гласање
„ОБИДОТ ДА СЕ РЕШАТ ДВЕТЕ КЛУЧНИ ПРАШАЊА ВО ЕДЕН МАНДАТ Е ТЕШКА ГРЕШКА“: слушнете го ставот на Бранко Азески во „Бизнис Муабети“
ЈАВЕН ОБВИНИТЕЛ ПРИБИРА И АНАЛИЗИРА ДОКАЗИ ЗА ПАЛЧО, НО ТИЕ НЕМА ДА СЕ СПОДЕЛАТ СО ЈАВНОСТА - првата ноќ во затворот тој ја поминал мирно
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
ВМРО-ДПМНЕ и „Вреди“ ќе бараат гаранции за уставни измени?
СЕ ОБЕСИЛ ВО ПРИТВОРОТ КАДЕ ИМАЛО УШТЕ ЕДЕН ПРИТВОРЕНИК: Притвореникот кој си ги уби сестрата и внукот во кумановски Габреш си го одзема животот
„Отстапување од Договорот, сигурно ќе има сериозни последици во нашите односи“: Мицотакис повторно се огласи
