Филипче: Директорката на клиниката за кожни болести заразена со коронавирус
Објавено во: Македонија, Корона Вирус 09 Март, 2020
Доцна синоќа на клиниката за инфективни болести е дијагностициран уште еден позитивен случај на корона вирусот кај пациентка.
Се работи за директорка на клиниката за кожни болести Нина Цаца Билјановска која моментно се хоспитализира на Инфективната клиника.
Нејзината состојба е стабилна има лесна клиничка форма, кажа министерот Филипче.
Директорка на клиниката за кожни болести, била во Италија пред недела дена и како што кажа министерот одела редовно на работа откако се вратила, со што не ги почитувала препораките на надлежните.
Сепак, она што е добро според министерот Филипче е дека заразената не била во директен контакт со пациенти односно не била на работа во амбуланта, и изрази огромно разочарување од непочитувањето на препораките од страна на здравствен работник.
Заразената во анкетата како што посочи министерот ги дала сите податоци, па ќе се одлучи и дали нејзните блиски ќе бидат ставени во домашна изолација.
Можно е одделот на клиниката за кожни болести да биде целосно затворен, зависно од степенот на ризик за кој епидемолозите во овој момент вршат проценки.
Состојбата на првата заболена е целосно стабилизирана и во текот на денот ќе се знае дали ќе биде испуштена од Инфективната клиника.