ФАКТОР НА ДЕНОТ: Собранието ја прифати оставката на Заев, следи формирање на нова Влада

Добивај вести на Viber

СОБРАНИЕТО ЈА ПРИФАТИ ОСТАВКАТА НА ЗАЕВ

Оставката на Зоран Заев како премиер на државата е официјално прифатена од Собранието и од претседателот Талат Џафери.

„Претседателот на владата може да ја образложи оставката, но известен сум дека нема да ја образложи. Констатирам дека на претседателот и на Владата им престанува мандатот“, констатира спикерот Џафери.

Владата останува на должност до изборот на новата Влада.

Откако премиерот Зоран Заев вчера поднесе оставка, веќе почнуваат да течат уставните рокови за предлагање и избор на новиот владин состав. 

Претседателот на државата, Стево Пендаровски во интервју за Канал 5 изјави дека Димитар Ковачевски, новиот лидер на СДСМ,е непознаница во политиката и треба да му се даде шанса. 

ЌЕ СЕ ЛЕГАЛИЗИРААТ ДИВОГРАДБИ

Подготвен е нов Предлог закон за бесправно изградени објекти со кој предмет на легализација ќе бидат дивоградби изградени до 1 јануари 2021 година, со исклучок на тие што се изградени во границите на Охридскиот регион, заштитените подрачја, ….како и згради, доградби и надградби на згради, времени у помошни објекти.

ИМА 269 ЗАРАЗЕНИ СО КОРОНАВИРУСОТ

Министерството за здравство информира дека согласно податоците од Институтот за јавно здравје, во последните 24 часа се направени 3.449 тестирања, а регистрирани се 269 нови случаи на КОВИД-19, и тоа Скопје – 142, Битола – 17, Охрид –16, Кавадарци и Струмица – по  14, Прилеп – 13, Велес – 9, Штип и Ресен – по 7, Валандово – 5, Тетово и Крива Паланка – по 4, Гевгелија и Неготино – по 3, Куманово, Радовиш, Богданци и Демир Хисар – по 2, Свети Николе, Берово и Крушево – по 1.

ОМИКРОН Е ПОТВРДЕН ВО СРБИЈА И АЛБАНИЈА

Во Србија денеска е регистриран првиот случај на новата варијанта на корона вирусот омикрон. 

Ова за Блиц.рс го потврдила професорката Тања Јовановиќ, стои во кусата објава на овој српски медиум. 

Претходно албанските медиуми јавија дека и во таа држава е регистриран еден случај на омикрон. 

ЧИТАЈТЕ УШТЕ

Без работа нема независност, и ова е голем проблем за младите во Македонија, кои пак во многу истражувања на јавното мислење и анкети ја споменале оваа појава како негативна.

Новиот градоначалник на Радовиш, Ацо Ристов, влегува во бизнисот со мали хидроцентрали. Владата на една од последните седници донесе одлука да одобри пренос на дозвола за концесија за 32 мали хидроцентрали на реките Вардар, Струмица и Црн Дрим на друштвото за производство на електрична енергија Еко Тера од Скопје.

И големи странски компании што работат во земјава имаат проблем со раскинување на договорите за снабдување со електрична енергија, и тоа од истиот добавувач за кој веќе пишуваше Фактор. 

Ако се потврди оваа неофицијална информација ЕСМ ќе мора да бара нова „инфузија“ од Владата. Од ноемвриската помош од буџет вредна 65 милиони евра досега ЕСМ потроши околу 58 милиони евра (15 милиони за набавка на струја во ноември и уште 43 милиони за непроизведена, а превземена струја од европската мрежа за периодот од август до октомври која МЕПСО мора да ја плати на ЕНТСО-Е). 

Стечајниот управник на пропадната банка на Трифун Костовски, Еуростандард банка, Душко Тодевски, бара од стечајниот судија да ја одобри исплатата на неговата награда. Тодевски на 21 декември односно пред три дена до судијата го доставил предлогот за награда на стечајниот управник и во него на страница и половина образложува некои детали од стечајната постапка. 

Да се ограничи работата во одредени денови недела и празници во услови на специфични околности, пандемиска и енeргетска криза е несериозно и без визија за економскиот амбиент во кој функционира државата. Стопанствениците од Стопанската комора се на ставот дека овој концепт е спротивен на концептот за економски развој на државата и сметаат дека законското прогласување на недела за неработен ден е неуставно и нелегитимно.

Најблиските соработници на поранешниот премиер Зоран Заев се убави зборови или фотографии се простуваат од него на своите фејсбук профили.