ФАКТОР НА ДЕНОТ: Собранието ги усвои законските измени за линеарно зголемување на пензиите
Објавено во: Економија 12 Септември, 2024 21:39
ПЕНЗИОНЕРИТЕ ЌЕ ДОБИЈАТ ПОВИСОКИ ПЕНЗИИ
Следниот месец пензионерите ќе добиваат пензија зголемена за 2.500 денари.
На денешната седница на Собранието се изгласа Законот за линеарно зголемување на пензиите на сите пензионери за 2.500 денари, почнувајќи од септемвриската пензија. Идната година пензионерите пак ќе добијат покачување. И лидерот на СДСМ, Венко Филипче кажа дека пензионерите заслужуваат покачување.ПРЕДИСТРАЖНА ПОСТАПКА ЗА СОМНЕЖИ ЗА ДАНОЧНА ИЗМАМА
По доставено известување од страна на МВР за сознанија до кои дошла УЈП, Основното јавно обвинителство за гонење на организиран криминал и корупција оформи предмет поради основи на сомневања за сторени кривични дела од областа на финансискиот криминал, односно „даночно затајување“ по член 279 „даночна измама“ по член 279-а и „перење пари и други приноси од казниво дело по член 273 од Кривичниот законик на група субјекти, соопшти попладнево ОЈО ГОКК.
Оттаму посочуваат дека заради докажување на основите на сомневање за сторување на наведените кривични дела, на барање на предметниот јавен обвинител, судија на претходна постапка при Основен кривичен суд Скопје издаде наредби за претрес на дом и други простории на повеќе локации во повеќе градови.ДУШКО ПАВЛОВСКИ ВЕЛИ ДЕКА ИКОНОСТАСОТ ЌЕ БИДЕ ДОНИРАН НА ДРУГА ЦРКВА
Душко Павловски демантира дека сакал да предизика некакви меѓуетнички тензии по повод настаните за црквата во селото Галате.
Вели дека тој е иницијатор за чистење и санација на дворот и црквата во Галате.
„Посебно во целост ги демантирам наводите од страна на селаните на село Галате, бидејки селаните на селото, за истово знаат од 2020 година како и Македонската православна црква, но за жал цели 23 години ја оставиле запустена оваа мала црква, а сметам дека е срам за православието, а за истата црква иконостасот е готов од 2022 година, кој јас лично го имам нарачано и платено, но од фамилијарни причини, поточно поради смрта на двајцата мои родители во период од 2020 до сега не бев во можност да отпочнам со чистење и санација на црквата и дворното место.ФИЛИПЧЕ БАРА ПОВЛЕКУВАЊЕ НА ЗАКОНОТ ЗА ЗАЕМ ОД УНГАРИЈА
Пратениците на СДСМ бараат да се повлече законот за заем од Унгарија по скратена постапка и тој да се носи во редовна постапка, за него да се организира дебата со вклучување на експертската јавност. Предлог законот, како што кажа, е коруптивен и земјата се става во должничко и политичко заложништво кон Унгарија.
ЧИТАЈТЕ УШТЕ
Можеби ќе ве интересира
Украина не го потпишува кончениот договор за минерали
СЕ ЗГОЛЕМУВААТ ПЛАТИТЕ ВО СРБИЈА: Објавени се нови податоци за просечната заработка
ЧЕТВРТА ЕКОНОМИЈА ВО СВЕТОТ: Калифорнија ја движи нацијата напред
ПОЧИНА ПОЗНАТИОТ УГОСТИТЕЛ И ПРЕТСЕДАТЕЛ НА НУК, ЗДРАВКО ЈОСИФОВСКИ - роднините и пријателите се простуваат од него
„АЛКАЛОИД“ ОТВОРИ НОВИ ХОРИЗОНТИ ВО ТРЕТМАНОТ НА ГЕРБ СО ТЕЧНИОТ ОМЕПРАЗОЛ: ВО ЗАГРЕБ ОДРЖАНА ПРВАТА МЕЃУНАРОДНА КОНФЕРЕНЦИЈА ЗА ИНОВАТИВНИ РЕШЕНИЈА ВО ТРЕТМАНОТ НА ГЕРБ КАЈ ПЕДИЈАТРИСКИТЕ ПАЦИЕНТИ
МЕПСО нема да смее да се продава со новиот Закон за енергетика
Ерата на отворање молови заврши, ритејл паркови сега никнуваат низ Македонија
„ПОВИСОКИ ПЛАТИ НЕ СЕ 500 ЕВРА ПЛАТА, ТУКУ 500 ЕВРА МИНИМАЛНА ПЛАТА“: Пешевски вели, да се подобрат условите за работа во приватниот сектор
