ФАКТОР НА ДЕНОТ: Полицискиот час останува, денес има 30 починати од коронавирусот

Добивај вести на Viber

ПОЛИЦИСКИОТ ЧАС ОСТАНУВА НА СИЛА

Владата официјално соопшти дека одлуката за полицискиот час која истекуваше денеска, се продолжува во наредните две недели, по предлог на Комисијата за заразни болести.

„Владата на Република Северна Македонија на денешната 56-та седница, по препорака на Комисијата за заразни болести, донесе одлука да биде продолжена актуелната мерка за забрана и посебен режим на движење на граѓаните на целата територија на државата во временскиот период од 22:00 часот до 05:00 часот, почнувајќи од денеска, односно од 23 март до 6 април“, информираат од Владата.

ЗА 24 ЧАСА ИМА 30 ПОЧИНАТИ ОД КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1.682 тестирања, а регистрирани се 457 нови случаи на КОВИД-19 во:

Скопје – 198, Прилеп - 32, Куманово – 30, Охрид – 29, Велес – 25, Кавадарци – 24, Штип – 17, Тетово – 16, Гевгелија – 15, Гостивар – 13, Струмица и Кочани – по 9, Струга, Неготино, Свети Николе, Македонски Брод, Виница – по 5, Пробиштип – 3, Кичево, Крива Паланка, Радовиш и Богданци – по 2, Ресен, Дебар, Берово и Кратово – по 1.

Регистрирани се 700 оздравени пациенти од:

Скопје - 291, Кавадарци - 52, Неготино – 42, Охрид – 38, Велес – 36, Прилеп – 35, Куманово – 26, Крива Паланка – 25, Гостивар – 23, Гевгелија – 18, Битола – 15, Струга – 14, Струмица – 13, Кочани – 11, Богданци – 10, Тетово – 8, Берово – 7, Штип ,Радовиш и Демир Капија – по 5, Пробиштип и Валандово – по 4, Свети Николе и Кратово – по 3, Демир Хисар – 2, Кичево, Ресен, Виница, Крушево и Македонски Брод – по 1.

ГРУБИ ПО ПРИШТИНА, ОДИ ВО ТИРАНА

Првиот вицепремиер и министер за политички систем Артан Груби по посетата во Приштина, денес и утре ќе престојува во Тирана, каде како што известуваат од неговиот кабинет, една од целите на посетата ќе биде и попишувањето ан дијаспората.

Груби во Тирана треба да се сретне со државниот врв и лидерите на албанските политички парти, но и општествени дејци.

ЕКСПЛОДИРАЛА ПЛИНСКА БОЦА ВО ВИКЕНДИЧКА ВО МАТЕЈЧЕ

Министерството за внатрешни работи денеска потврди дека С.С.(34), В.И. (31), Н.Н. (31), З.С.(27), М.Н.(44) и Б.Ш.(36), се здобиле со тешки телесни повреди како резултат на експлозија на плинска боца во викендичка во село Матејче на место викано „Матејачки колиби“. 

– Повредените имаа изгореници на лице и раце, и биле пренесени за Скопје во градската болница и на пластична, изјави директорката на општа болница Куманово, Снежана Захариева. 

СЕ ВЛОШУВА ЗДРАВЈЕТО НА КАМЧЕВ

Асистенција и мониторинг од повеќе домашни и меѓународни институции ќе побара одбраната на притворениот Јордан Камчев денеска. Ќе се обратат до Комитетот за превенција на тортура при Советот на Европа, Асоцијацијата за превенција од тортура од Женева, во одделот за национален превентен механизам кај Народниот правобранител како и од македонскиот Хелсиншки комитет.

РАСТЕ ИНТЕРЕСОТ ЗА САМОПОПИШУВАЊЕ

Расте интересот за самопопишување. Јасмина Ѓоргиева од Државниот завод за статистика (ДЗС) денеска на прес - конференција информираше дека во последното деноноќие се попишани повеќе од 20.000 граѓани, македонски државјани кои живеат и престојуваат во странство. 

ЧИТАЈТЕ УШТЕ

Oдносите меѓу Бугарија и Република Северна Македонија се трајно нарушени од причини што не зависат од Бугарите и од Македонците, вели за Фактор, бугарскиот политиколог Марија Пиргова.

Полицискиот час кој е воведен на 10.март, а забраната за движење трае од 22 до 05 часот е продолжен за уште две недели. 

РИК „Силекс“ со неговите фирми ќерки во корона криза ги зголеми приходите од продажба за 24 отсто. Тие надминале 10 милиони евра од продажба на сунѓер, жива стока, сирење, патенти и силекс кугла.

Во деловниот свет и корпоративното работење постојано секој од нас се соочува со одредени предизвици во работењето. Особено изминатата година беше навистина тешка за секоја компанија, но и за физичките лица. Предизвикот со корона вирусот, и глобалната пандемија, го пореметија комплетно начинот на функционирање, а со сето тоа го променија и финансиското работење на секој од нас.