ФАКТОР НА ДЕНОТ: Нови 89 заразени, Лукаревска позитивна, а дел од функционерите одат во изолација

Добивај вести на Viber

СЕ ЗГОЛЕМИ БРОЈОТ НА ЗАРАЗЕНИ ОД КОРОНАВИРУСОТ

Денеска во земјава се регистрирани нови 89 позитивни случаи на коронавирусот, пренесуваат медиумите. 

Од Институтот за јавно здравје за МИА изјавиле дека во изминатото деноноќие починале седум лица инфицирани со ковид-19.

На фејсбук информациите ги потврди и министерот за здравство, Венко Филипче. Во последните 24 часа се направени 727 тестирања, а регистрирани се 89 нови случаи на ковид-19.

ЛУКАРЕВСКА ПОЗИТИВНА, СПАСОВСКИ НЕГАТИВЕН

Сања Лукаревска, директорката на Управата за јавни приходи е позитивна на коронавирусот. Веста ја објави на фејсбук.

„После веста која ја објави другарот Мухамед Зекири, а поради работните состаноци кои ги имавме заедно, направив тест за Ковид-19 и резултатот е позитивен.

Директорот на Финансиска полиција, Арафат Муареми е во самоизолација, поради тоа што бил во контакт со пратеникот од СДСМ, Мухамет Зекири.

Вицепремиерката за економски прашања Мила Царовска, министерот за информатичко општество и администрација Дамјан Манчевски и советникот за односи со јавност на претседателот на Владата, Марјан Забрчанец, објавија дека се во задолжителна самоизолација бидејќи минатата недела имале контакти со Мухамед Зекири.

МОЖНО Е ДА СЕ ВРАТАТ РЕСТРИКТИВНИТЕ МЕРКИ

Се прават анкети на членови на СДСМ, се бараат нивните контакти, рече денеска министерот за здравство, Венко Филипче. 

Се прават анкети, анализи, тестови, и вели дека работите не се излезени од контрола. 

Одлуки за евентуални рестриктивни мерки би имало до крајот на оваа недела, и тоа за дел од скопските општини и дел од Штип, каде има голем број заразени. 

„Во следните неколку дена треба да дискутираме за ова, а при тоа да ги следиме бројките, и сметам дека не треба да носиме избрзани одлуки“; вели Филипче за отворање на границите. 

ЧИТАЈТЕ УШТЕ

Даночните експерти не се согласуваат со Управата за јавни приходи дека идентитетот на компаниите кои добиваат државна парична помош треба да биде даночна тајна. Напротив, нивните имиња треба да и станат познати на домашната јавност.

Вишок на средства, платени за билети од нашинците, кои работат во странство, за организираните авионски летови од страна на Владата за време на корона-кризата, останале во Генералниот секретаријат, иако засега не е прецизирано за колкава сума на пари станува збор.

Во 2019 година опаднал наталитетот во Македонија, а родени се помалку од 20.000 деца, што е најмала бројка за период од скоро две децении.

Од Комисијата за заразни болести за Фактор потврдуваат дека само во Скопје денеска ина 47 ново заразени со корона вирусот. Најголемиот број, како што велат се од Чаир. Потоа следуваат Штип и Тетово, па вкупниот број на новозаразени надминува 70.