ФАКТОР НА ДЕНОТ: Датум за избори уште нема, а мерките полека ќе олабавуваат

Добивај вести на Viber

НА ЛИДЕРСКАТА СРЕДБА НЕ Е ДОГОВОРЕН ДАТУМ ЗА ИЗБОРИ

По завршување на лидерската средба кај претседателот на државата, Стево Пендаровски, лидерот на ВМРО-ДПМНЕ, Христијан Мицкоски изјави дека најважно е здравјето на граѓаните. 

Вели дека е незрело да се размислува поинаку. 

„Предложивме план да дојдеме до кредибилен изборен процес, а при тоа граѓаните да не бидат загрозени и да не бидат изложени на Ковид 19. Предложивме план во неколку чекори“, вели тој. 

Вели дека треба да има фер избори, да има консултации со ДИК и со Комисијата за заразни болести. 

Да има контакт со ОБСЕ и ОДИХР, и откако ова ќе се случи да се зборува за датум на изборите. 

Претседателот на СДСМ, Зоран Заев по лидерската средба изјави дека се исцрпени сите можности за да се свика Собранието. 

Вели дека барем еден важен ден денеска е заокружен. 

Ги разгледале опциите кога ќе имаме избори ако се прогласи или не се прогласи повторно вонредна состојба. 

Заев рече дека нема поважна работа од здравјето на граѓаните. 

„Сите се согласивме дека ќе мора да живееме со коронавирусот, затоа што ниту во светот, ниту во Европа, ниту во Северна Македонија никој не може да каже кога ќе заврши коронавирусот“, вели Заев. 

ОЛЕСНУВАЊЕТО НА МЕРКИТЕ ЌЕ ОДИ ВО ФАЗИ

Премиерот Оливер Спасовски попладнево на прес - конференција изјави дека донеле пакет мерки, со што се намалуваат рестрикциите. 

„Сметаме дека ситуацијата е под контрола, не дозволивме ширење на коронавирусот кој посериозно би го загрозил здравјето на граѓаните“, вели тој. 

Спасовски изјави дека меѓу секоја фаза ќе има преглед и проценка на ситуацијата, по што ќе се знае дали ќе има олабавување на мерките.

Олабавувањето ќе оди во три фази, така што ќе работат стопанските дејност, и постепено ќе се намалува забраната за движење. 

Работата ќе тече по протоколи и мерки, и третата фаза значи потполно враќање во работниот процес. 

Во првата недела, од утре ќе има посебни протоколи за дејности со помал ризик. Ќе работат авто-школите, ќе може да се организираат семинари. 

ПОЧНА ИСПЛАТАТА НА МОЈДДВ

Почна исплатата од МојДДВ за првото тримесечје од 2020 година.

Исплатата за јануари, февруари и март 2020, во согласност со Законот за враќање на дел од ДДВ кај физичките лица е веќе почната.

Во ова прво тримесечје од годината скенирани се  49.946.278 фискални сметки, направен е промет во износ 21.957.355.689 денари со вкупен ДДВ од 2.292.026.352 денари, велат од Управата за јавни приходи. 

Вкупниот број регистрирани корисници до 31 март 2020 година на апликацијата МојДДВ е 279.498.

ЧИТАЈТЕ УШТЕ

Поради пандемијата на Ковид 19, ова лето неизвесно е на кој начин ќе се организираат летните одмори и патувања во странство, затоа што некои земји веќе најавија дека ќе примаат гости само со направен корона тест или со задолжителен здравствен пасош.

Владата пред три недели донесе Уредба со која за време на вонредната состојба се дозволува организирањето на игри на среќа преку интернет, што ќе важи за казината, автомат клубовите и обложувалниците.

Новиот данок и корона кризата силно удрија врз пазарот на половни возила во земјава. Ако минатата година месечно во просек се увезувале по 3.215 употребувани автомобили, од почетокот на годинава бројките се драматично пониски. 

Големи промени во рангирањето на компаниите регистрирани за изградба на станбени и нестанбени згради. 

Трите нафтени компании кои имаат најголемо учество на пазарот на нафтени деривати утре во Регулаторната комисија за енергетика ќе ги презентираат тврдењата за штетите кои ги имаат од новиот правилник за густините на дериватите.