ФАКТОР НА ДЕНОТ: Асмир Јахоски доби 30 дена притвор

Добивај вести на Viber

ЈАХОСКИ ОДИ ВО ПРИТВОР

За случајот со увоз на штетен мазут, Асмир Јахоски оди во притвор, откако Кривичен суд ја преиначи првичната одлука. 

Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција, против решението на судија на претходна постапка против А.Ј., а поврзано со истрагата за набавка на мазут во ТЕЦ Неготино, по одржана јавна седница донесе решение. 

НИКОЛОСКИ СЕ ЖАЛЕЛ ЗАТОА ШТО БУГАРИЈА НЕ САКА ДА ЈА ГРАДИ ЖЕЛЕЗНИЦАТА

Министерот за транспорт Александар Николоски објави дека ја пријавил Бугарија во европските политички и финансиски институции, по нејзината одлука да ги пренамени средствата за изградба на железничкото поврзување со Македонија.

- Ние остануваме силно посветени на изградба на Коридор 8 и активно се работи на фазата Белаковце - Крива Паланка, а посветени сме и на дијалог за техничко решение за тунелот на третата секција. Тоа е НАТО коридор, втор најзначаен за НАТП, но со жалење ја примам информацијата која стигна вчера, а која е официјален документ во кој Бугарија ги пренамени средствата за реконструкција на пругата од Софија - Перник - Радомир дза изградба на пруга од Софија до Бургас и со тоа испраќаат порака за непосветеност на коридор 8 и целата пропаганда која беше водена против владата дека имае нешто против Бугарија, дека не сакаме да се поврзуваме, на крај како вистината излезе на површината.

„ВРИЕ“ ВО СРБИЈА, НЕКОЛКУ ЛИЦА СЕ УАПСЕНИ

Во Србија полицијата апси луѓе кои планирале државен удар. 

Како што дознава српски Курир, почнале апсењата на лицата кои планирале државен удар во Србија.

Уапсени се Младен Цвјетиќ, Срѓан Ѓуриќ и Ладо Јововиќ. Тие се товарат за кривично дело подготвување акт против уставниот поредок и безбедноста на Србија во соучесништво во врска со кривичното дело повикување на насилна промена на уставниот поредок.

ЧИТАЈТЕ УШТЕ

Блок трансакција помина вчера на Берзата со акции на градежната компанија „Гранит“.

„Витаминка“ ја одржува својата пазарна позиција дома, успеа да го зголеми и извозот и да ја одржи добивката на ниво од претходната година. И понатаму најголем предизвик за компанијата остануваат финансиските расходи и нивото на кредитна изложеност

Семејството Јахоски од Пласница сепак ја има во своја сопственост и управната зграда на некогашниот градежен гигант „Бетон“ во Карпош веднаш зад Министерството за економија. Минатата година беше објавено дека „Пуцко Петрол“ на Асмир Јахоски ја купил деловно-административната зграда за 5 милиони евра, но тоа веднаш беше демантирано.

Стапките на невработеноста последните месеци и години постојано се во надолна линија. Сепак, останува нејасно дали намалувањето на невработеноста се должи на поголема економска активност, и поголема ангажираност на невработените во работни активности, или пак станува збор за други фактори кои придонесуваат до намалување на бројот на невработените.