13 Јуни, 2024
0.0274

ФАКТОР ИСТРАЖУВА: Дури 14 компании од Битола имаат добивки од над милион евра

Објавено во: Економија 10 Јуни, 2024

Добивај вести на Viber

Големиот број на високоплатени тендери му донесе на „Марковски Компани“ прво место во „натпреварувањето“ за најуспешна компанија по остварена добивка во Битола во 2023.

Бизнисот на Борче Марковски за ископ на јаглен и јаловина за потребите на РЕК Битола, како и другите активности на оваа градежна компанија ја прават неприкосновена на врвот за минатата година. За период пократок од шест месеци „Марковски компани“ на Борче Марковски доби три тендери од ЕСМ во вредност од 80 милиони евра за ископ на јаловина и лигнит во рудницитена РЕК Битола. 

На второто место е земјоделскиот комбинат „Пелагонија“, кој направи фантастичен резултат, но не од своето редовно работење, туку од наплата на дивиденда од акумулираната добивка од биогасната централа „Пелагонија Енерџи“.  Кромберг и Шуберт, производителот на кабли за автомобилската индустрија, е на третото место и за него кризата со прекини во синџирот на снабдување дефинитивно е завршена.

На четвртото место е Ери Цорпоратион, еден од најголемите светски производители и извозници на топлински разменувачи и вентилациски компоненти. Порано оваа компанија имаше и домашни сопственици, но во текот на изминатите години целосно е преземена од британскиот Volution Group plc.

Во првите пет е уште и Руд-Коп, компанија која потврдува дека може добро да се профитира ако се соработува со АД ЕСМ и РЕК Битола во јавните набавки. Освен помошни дејности за вадење на руда, компанијата се занимава и со нискоградба. Добивката е зголемена за 178 отсто, а до крајот на 2023 бројот на вработени бил 77-мина. Сопственик е Кирил Билјановски.

Фантастичен резултат има „Синпекс“, фирмата на Синиша Петровиќ и Христина Фуна, позната по тоа што продава разни светски брендови на трактори за битолските и останатите земјоделци и фармери. Понатаму следува производителот на сладоледи „Цермат“, инаку семеен бизнис на Зоран Ристевски и Виолета Ристевска Лазич. Стентон Градба на Снежа Стојаноска е меѓу првите во Македонија за изградба на станови, но учествува и во голем број на јавни набавки, а за оваа компанија лани беше објавено дека ќе му биде подизведувач на „Бехтел и Енка“ во изградбата на новите автопати. На крајот од минатата година доби рекорден тендер од Дирекцијата за технички и развојни зони за голема градежна офанзива во три зони и за градба на нови објекти за сместување, амбуланти, детски градинки и складишта со паркинзи во Скопје, Штип и Прилеп. Тоа воедно беше и најголемиот поединечен тендер во 2023 година, а голема сума на пари „Стентон“ доби авансно од ТИРЗ.

Игнација ФМ на Фатмир Мерсими работи на останати завршни градежни работи на разни проекти, како местење на инсталации за греење и вентилација. Последен меѓу првите е печатницата Киро Дандаро, која лани беше продадена за 9,5 милиони евра на хрватски гази. 

Евро Стил, слично како и „Симпекс“, продава земјоделски машини, а е во сопственост на Слободан, Зорка и Рајко Рајкоски, како и на Сашка Веловска, а претпријатие од таков тип од Топ-15 е „Електропроизводи и сервис ЕПС“, но за опрема за термоцентрали, рудници, челичарници, компании од металопреработувачката индустрија, индустријата за цемент и од хемиската индустрија. Оваа компанија е формирана во 2016 и е во сопственост на Јован Папастеревски, кој живее во Скопје. Нема подружници и има само петмина вработени. Добивката се зголемила за една година за дури 915 отсто, а приходите се зголемиле за 403 проценти. Фирмата на Папастеревски извлекла добивка од безмалку еден милион евра од 4.350.000 евра приход. Покрај тоа, „Електропроизводи и сервис ЕПС“ нема речиси никакви задолжености.

Во Топ-15 следува Таскфорце БПО за технолошки напредни аутсорсинг услуги за други компании во странство. Последните две од Топ-15 се Млекара Битола и Никопоулос, друштвото кое направи најдобар резултат иако е регистрирано во 2023, но заслугите за тоа одат најмногу поради договорот со АД ЕСМ за увоз на јаглен за потребите на РЕК Битола. А.К.

Извор: Централен регистар

Можеби ќе ве интересира

ВАКА НАЈУСПЕШНИТЕ БИЗНИСМЕНИ ГИ ПРОНАОЃААТ И ГИ „ХАЈРУВААТ“ ВРВНИТЕ ИГРАЧИ - напишана е обемна студија како може да ги придобиете

ВАКА НАЈУСПЕШНИТЕ БИЗНИСМЕНИ ГИ ПРОНАОЃААТ И ГИ „ХАЈРУВААТ“ ВРВНИТЕ ИГРАЧИ - напишана е обемна студија како може да ги придобиете

ВАЖНА ВЕСТ ЗА СИТЕ АКЦИОНЕРИ НА „ГРАНИТ“ - за дивидендата, еве какви податоци треба да достават оние што тоа досега не го сториле

ВАЖНА ВЕСТ ЗА СИТЕ АКЦИОНЕРИ НА „ГРАНИТ“ - за дивидендата, еве какви податоци треба да достават оние што тоа досега не го сториле

ДЗР во неверување,од концесија на рудници државата за четири години наплатила само 45 милиони евра

ДЗР во неверување,од концесија на рудници државата за четири години наплатила само 45 милиони евра

„НЕ МИ СЕ ЖАЛИ ЗА НЕШТО ШТО БИЛО ПРЕД ПЕТ ГОДИНИ, НАПРАВИ НЕШТО“ - нови детали од поткастот „Бизнис муабети“ на Фактор

„НЕ МИ СЕ ЖАЛИ ЗА НЕШТО ШТО БИЛО ПРЕД ПЕТ ГОДИНИ, НАПРАВИ НЕШТО“ - нови детали од поткастот „Бизнис муабети“ на Фактор

МЕРЦЕДЕС, БМВ И ФОЛКСВАГЕН СО ОСТРА РЕАКЦИЈА - ја критикуваа ЕУ за воведувањето царини за кинеските производители

МЕРЦЕДЕС, БМВ И ФОЛКСВАГЕН СО ОСТРА РЕАКЦИЈА - ја критикуваа ЕУ за воведувањето царини за кинеските производители

КОНЕЧНО, ПРВИОТ МАРКЕТ НА ЛИДЛ ВО СКОПЈЕ: Лидл го гради првиот продажен објект во метрополата

КОНЕЧНО, ПРВИОТ МАРКЕТ НА ЛИДЛ ВО СКОПЈЕ: Лидл го гради првиот продажен објект во метрополата

РУРАЛЕН ГРАД ВО ИСТОЧНА КИНА ГО „ПОГОДИ“ СВЕТСКИОТ АКОРД НА ВИОЛИНА: индустријата брзо се прошири благодарение на високиот квалитет и ниските цени

РУРАЛЕН ГРАД ВО ИСТОЧНА КИНА ГО „ПОГОДИ“ СВЕТСКИОТ АКОРД НА ВИОЛИНА: индустријата брзо се прошири благодарение на високиот квалитет и ниските цени

ПОЧНА НОВАТА ТРГОВСКА ВОЈНА, ЕУ ВОВЕДЕ ЦАРИНИ ЗА КИНЕСКИТЕ ЕЛЕКТРИЧНИ ВОЗИЛА: Тарифи до 38 проценти

ПОЧНА НОВАТА ТРГОВСКА ВОЈНА, ЕУ ВОВЕДЕ ЦАРИНИ ЗА КИНЕСКИТЕ ЕЛЕКТРИЧНИ ВОЗИЛА: Тарифи до 38 проценти

Германија стана ужасно скапа за странските работници

Германија стана ужасно скапа за странските работници