Facebook пушта нова платформа за рекламирање на производи
Објавено во: Мои пари 06 Октомври, 2016
Најголемата социјална мрежа во светот Facebook разви нова платформа за рекламирање на производи, која ќе им овозможи на компаниите да користат тагови за да ги покажат своите нови производи во фотографии, пишува Business Insider.
Новата опција ќе придонесува и за развојот на самите страници, бидејќи кога еден производ е во некоја слика, компаниите ќе можат да ставаат таг и да го рекламираат. При притискање на тагот, корисниците ќе влезат во страната на производот, каде можат да најдат повеќе информации за него, како и да го нарачаат онлајн.
Според програмерите, платформата ќе побуди љубопитност кај корисниците и тие ќе бидат склони да кликнат на овие тагови, за да дознаат повеќе.
Facebook планира да не зема пари на почетокот за овие тагови, што значи дека секој може да рекламира бесплатно производи. Од компанијата потврдуваат дека тестираат слична платформа, но не откриваат детали за неа.
Компанијата веќе ги избрала компаниите кои ќе ја тестираат први новата технологија. По сеуште непознат пробен период, таа ќе се нуди и за останатите компании