ЕЗЕРА, ПЛАНИНИ, БАЊИ: Точно ли е дека Македонците се повеќе шетаат низ Македонија?
Објавено во: Македонија 13 Февруари, 2019
Македонците во земјата најчесто ги посетуваат езерата, планините, бањите.
Македонските граѓани се повеќе ја шетаат сопствената земја, и ова може да се забележи од податоците на Државниот завод за статистика за период од 2013 до 2017 година.
Во овој период, расте бројот на посети од домашни туристи и ноќевања.
302.114 домашни туристи имало во 2013 година, веќе следната година нивниот број бил 310.336, во 2015 година се евидентирани 330.537 домашни туристи, во 2016 година имало 346.359, а во 2017 година 368.247 домашни туристи. Бројот на ноќевања од домашни туристи од 1.275.800 во 2013 година скокнал на 1.480.460 во 2017 година.
Во периодот јануари − ноември 2018 година, во однос на истиот период од претходната година, бројот на ноќевањата кај домашните туристи има зголемување за 14.1 %, а бројот на домашни гости пораснал за 14.2%.
„Странците доаѓаат за авантура, велосипедизам на планина, а домашните гости доаѓаат обично на ручек. Ние имаме цел пакет на услуги, дел од луѓето доаѓаат во сопствена режија. Галичник е село, но има богата понуда“, вели Марко Бекриќ, водич на планина и управител на угостителски објект во Галичник.
Македонците повеќе шетаат во својата држава бидејќи сфаќаат дека и Македонија има природни убавини кои вреди да се посетат, раскажува Спасе Манев кој е администратор на група на социјалните мрежи создадена да ги промовира убавините на нашата земја.
„Зголемен е бројот на македонските туристи во Охрид, Дојран, Маврово, Берово. Влијае и тоа што цените во Грција, Хрватска и другите поблиски дестинации поскапуваат и многу Македонци не можат да си го дозволат тој луксуз, па затоа за годишен летен одмор ги одбираат Дојран и Охрид“, вели тој.
Манев познава млади луѓе кои сакаат да ја истражат сопствена земја.
„Во Македонија ми останаа уште неколку од помалите градови кои не сум ги посетила, но планирам да ги посетам во текот на оваа 2019 година. Во секој град има што да се види, само треба човек да истражи дали таму има музеј, црква, локалитет кој треба да се посети“, вели млада девојка.
Од странство, Македонија има најмногу туристи од соседните земји, но и од Турција.
Сања АтанасовскаМожеби ќе ве интересира
МИЦКОСКИ ДО ГРЦИЈА: Ако тие мислат дека ние сме го прекршиле договорот тогаш постои Меѓународен суд за правда
MИЦКОСКИ: Покрај 58 пратеници на коалицијата, имаме консолидирано точно 61 пратеник
ДИМОВСКИ РАСПАЛИ ЗА ЕУ И МИЦОТАКИС: ЕУ бара од нас да веруваме во нејзината посветеност за брзо пристапување на регионот во ЕУ?Чудно, нели?
УТРОВО ПОСТАР АДВОКАТ ПОЧИНАЛ ВО ГРАЃАНСКИОТ СУД - Митровски: Ова е стресна професија која секојдневно зема данок
ВРЕДИ СО ТУЖБА ДО УПРАВНИОТ СУД ПРОТИВ ОДЛУКАТА НА ДИК: и ДУИ најавува за сите седум места каде е поништено гласање
ЈОВАНА МОЈСОСКА ОД ЛЕВИЦА СО ПОРАКА ЗА ТАРАВАРИ: Ако ги слуша барањата на ЕУ, ќе бара и укинување на Рамковниот балансер
„ОБИДОТ ДА СЕ РЕШАТ ДВЕТЕ КЛУЧНИ ПРАШАЊА ВО ЕДЕН МАНДАТ Е ТЕШКА ГРЕШКА“: слушнете го ставот на Бранко Азески во „Бизнис Муабети“
ЈАВЕН ОБВИНИТЕЛ ПРИБИРА И АНАЛИЗИРА ДОКАЗИ ЗА ПАЛЧО, НО ТИЕ НЕМА ДА СЕ СПОДЕЛАТ СО ЈАВНОСТА - првата ноќ во затворот тој ја поминал мирно
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
