Excellence in Retail – нова тренинг програма која ви ги открива тајните на работењето во малопродажба

Добивај вести на Viber

Дали знаете дека трговците кои нудат одлично корисничко искуство имаат 3 пати повеќе заработка од останатите, а дури 50% од купувачите очекуваат персонализирани понуди и реклами?

Со програмата Еxcellence in Retail имате можност да стекнете знаење кои ќе го примените во секојдневното работење во малопродажба за подобри резултати. Обуката која М6 Едукативен центар ја подготви во соработка со експерти во малопродажбата се состои од 5 модули во кои се покриваат теми како техники за продажба, мерење на резултати, формирање и работа со продажни тимови, маркетинг и мерчандајзинг, управување со залихи, транспорт и логистика, како и е-трговија и употреба на вештачка интелегенција во малопродажбата. Секој модул освен теорија се состои и од голем број на практични примери, студии на случај и посета на локации за што повеќе да го доближи до учесниците

Оваа тренинг програма е одличен начин сите оние кои веќе работат во малопродажба и трговија да стекнат дополнително и целосно знаење за сите аспекти од оваа индустрија, со што ќе можат да бидат конкурентни на пазарот на трудот и да напредуваат во својата кариера. Предавачите кои се избрани да го пренесат своето знаење и искуство се експерти во својата област и професионалци со долгогодишно и разновидно искуство. Освен нив, за време на обуката ќе се вклучат и уште неколку реномирани имиња од земјата и странство кои ќе дадат дополнителен печат во целокупното искуство на учесниците.

Првата група од оваа обука веќе се пополнува, а планираниот почеток е во втората половина на април 2024 година. Сите детали за темите кои се обработуваат, предавачите, како и времетраењето на тренинг програмата се достапни тука.

Оваа активност е ко-финансирана од М6 Едукативниот центар и Владата на Швајцарија преку швајцарскиот проект „Образование за вработување“ – Е4Е@мк спроведуван од Хелветас.

М6 Едукативниот центар постои повеќе од 17 години и со своето широко портфолио на обуки со домашни и странски предавачи, секогаш нуди уникатен пристап каде квалитетот е доминантен елемент, а главната цел е професионалниот и личниот развој на секој учесник.