Европската економија расте по Брегзит
Објавено во: Економија, Свет 18 Ноември, 2016
Стапката на раст на БДП на Европската унија во третиот квартал е 1,8%.
Добри економски резултати имаат земјите од Источна Европа, Шпанија, Велика Британија, Кипар, дури и Грција.
Ниту една од 28-те земји на Европската унија не е во рецесија. На крајот на третиот квартал на 2016 година вкупниот БДП во унијата е зголемен во споредба со истиот период минатата година за 1,8%, а во еврозоната со 1,6%. Тоа е подобро отколку во САД, каде аналогниот индикатор достигна 1,5%, првите три месеци по британскиот референдум.
Според објавените податоци, во самата Британија на годишна база БДП се зголеми: од 2,1% во вториот квартал на 2,3% во третиот квартал.
Проблематичните земји од еврозоната излегуваат или излегле од кризата. Меѓу големите држави од еврозоната продолжува да води Шпанија. Нејзината економија порасна за 3,2%. Во првите два квартали овој показател изнесуваше 3,4%.