Екс војникот кој уби 5 лица на аеродром во Флорида пиштолот го носел во торбата
Објавено во: Свет 07 Јануари, 2017
Поранешен американски војник е напаѓачот на аеродромот Форт Лодердејл во Флорида кој со огнено оружје усмрти 5 лица. Станува збор за повратник од Ирак кој се соочувал со психички проблеми и пострауматски стрес од војувањето.
Тој е идентификуван како Естебан Сантијаго (26) и е уапсен по пукањето. Сантијаго е роден во Њу Џерси, а служел во националните гарди на Порторико и Аљаска. Во 2010 и 2011 година бил распореден во Ирак и добил повеќе воени признанија пред да биде префрлен во неактивните резервни сили, објави Пентагон, не наведувајќи други детали.
Сантијаго почнал да пука во луѓето во одделот за преземање на багажот во аеродромот Форт Лодердејл.
Сантијаго во ноември минатата година влегол во канцеларијата на ФБИ во Енкориџ на Аљаска и почнал чудно да се однесува, па вработените го предале на полицијата, која го префрлила во ментална институција на психолошка проценка.
Од ФБИ за Ројтерс изјавиле дека Сантијаго на агнетите во Енкориџ им кажал дека неговиот ум го контролира американската разузнавачка агенција која го тера да гледа снимки на Исламска држава.
Сантијаго допатувал во Форт Лодердејл со лет од Аљаска преку Канада со пријавен пиштол во својата торба. Тој ја земал својата торба и отишол во тоалет за да го наполни пиштолот, по што излегол и почнал да пука. Напаѓачот е неповреден бидејќи полицајците не испукале ни еден куршум при апсењето, и засега се смета дека работел сам, соопшти полицијата.
Можеби ќе ве интересира
Стратегија за надминување на проблеми со недостиг на лекари специјалисти, бара научната фела
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
