Ејпл телевизор: Потполно нов начин на управување на ТВ
Објавено во: Стил 07 Април, 2013
Ејпловиот телевизор наводно ќе има екран (дијагонала 60 инчи), а освен со глас, со него ќе се управува и со „иРинг“ - мал уред отприлика како прстен кој би требало да замени некоја опција на делечински управувач.
Во текот на изминатата недела на интернет се појавија нови гласини за Ејпл телевизор кои ги објави аналитичарот Брајан Вајт. Според информациите кои тој ги добил од извори поврзани со кинески производител на компоненти, Ејпл телевизорот треба да има екран од дури 60 инчи (иако постои можност да се претстават модели и од 50 и 55 инчи), а неговата цена ќе изнесува помеѓу 1500 до 2500 долари.
Ејпл моментално доминира на пазарот со таблети, а со оглед дека во последните три месеци минатата година продадоа речиси 50 милиони паметни телефони (од кои iPhone 5 и iPhone 4S беа најпродавани телефони на светот) во оваа компанија можат да бидат задоволни и со уделот на смартфон пазарот.
