Добивај вести на Viber
Египетското министерство за внатрешни работи соопштило дека во Египет во текот на 2014 година биле уапсени речиси десет илјади лица.
Тие биле осомничени за предизвикување улични нереди како и за различни насилни напади во „обид за поткопување на развојот на земјата“.
Помошникот на египетскиот министер за внатрешни работи, Абдел Фатах Осман рекол дека силите за безбеднос „осуетиле“ 400 терористички напади во периодот од јануари изминатава година.
Осман рекол дека се уапсени 460 осомничени лица за тероризам, 6.400 учесници во нереди, 50 активисти кои се залагале за војна и околу 2.600 осомничени за напади на полициски станици на територијата на Египет.
Од симнувањето на египетскиот претседател Мухамед Мурси од Муслиманското братство во јули 2013 година, новите египетски власти спроведоа репресивни мерки против оваа организација која подоцна беше прогласена како терористичка.