Еден загинат при обид на голема група имигранти да преминат под Ла Манш
Објавено во: Свет 29 Јули, 2015
Најмалку едно лице загинало при обид на 1500 емигранти да влезат во Британија и преминат преку тунелот под Ламанш.
„Нашиот тим најде тело утрово и пожарникарите ја потврдија смртта на овој човек“, соопшти портпаролот на „Евротунел“. Загинатиот е маж од саудиско потекло на возраст меѓу 25 и 30 години.
Според безбедносните сили во близина на тунелот во моментов сеуште има помеѓу 500 и 1.000 емигранти. Бегалците се обиделе да преминат под Ла Манш во терминалот на компанијата „Евротунел“ во Кале.
„Ова е многу загрижувачко“, ја коментирал ситуацијата британскиот премиер Дејвид Камерон за време на посетата на Сингапур. Тој додаде дека работи во тесна соработка со Париз за решавање на ситуацијата.