Државата да им помогне со субвенции, бараат туристичките работници

Добивај вести на Viber

Туристичките работници на протест побараа субвенции од 3.000-25.000 евра. 

Бараат и поволни кредити, кои ќе помогнат да го преживеат овој период без никаков промет, како и продолжување на грејс периодот за враќање на земените средства од шест месеци на една година, побараа туристичките работнии, кои попладнето се собраа на протест пред Владата.

Со државната помош, која ќе биде наменеа само за туристичките работници, да бидат опфатени и водичите и туристичките пратители, кои како што рекоа на протестот ја претставуваат државата.

Аргументите за овие барање се во целосното нефункционирање на овој сектор цели пет месеци.

Бараат да им се продолжи субвенционирањето на платите и придонесите до крајот на годината. 

„Со оглед на повеќе месечно неработење на компаниите од туризмот (туристички агенции, хотели, превозници) и немањето на никаков финансиски приход, но и најавата за продолжување на неизвесноста од реализација на предвидените аранжмани, патувања и слично, во наредниот период до крајот на 2020 година мерката субвенционирање е повеќе од потребна. Сметаме дека треба да важи до декември 2020 година и да ја добијат сите од туристичкиот сектор без разлика дали се новоформирани или комопании кои постојат повеќе години. Со тоа би им се помогнало и на новоформираните агенции и хотели (помалку од 6 месеци работа) кои вложиле се што имале, а им била спречена можноста да отпочнат со работа. Во тој случај би биле приморани да ги отпуштат вработените а и да го изгубат самиот бизнис. Ослободување од плаќање на ДДВ и аконтативен данок на добивка до крајот на 2020 година“, објаснува Биљана Пејоска Ристеска, извршен Директор на СКТМ. 

Туристичките работници забележаа дека со пакетите на мерки државна помош се ставени во ист кош со останатите, дека не се одделени од останатите и нагласија дека некој што загубил 30 отсто од профитот е исто третиран како и тие со сто отсто загуба.