Драги Рашковски добитник на награда за патент во Москва
Објавено во: Македонија 29 Март, 2020
Драги Рашковски, генералниот секретар на Владата, се пофали дека е еден од тројцата добитници на награда за патент на меѓународниот саем за пронајдоци Архимед во Москва.
Архимед е еден од најреномираните светски саеми за пронајдоци и иновативни технологии, а оваа година на саемот беа поднесени повеќе од 3000 пријави од целиот свет. По извршената селекција од страна на комисијата одобрено е учество на околу 600 високорангирани патентирани пронајдоци, меѓу нив и сите три поднесени од Националната Асоцијација на Пронаоѓачи на Македонија (NAIM).
„Само креативноста е капитал, се друго е пари Проф. Д-р Драги Рашковски за својот патентиран пронајдок „Систем и уреди за контрола на брзината на возилата во сообраќајот со определување на просечната брзина и изрекување на казни“ освои:- Пехар и Златен медал од стручното жири;- Златен медал
– специјална награда од сојузот на пронаоѓачи на Севастопол и
- Специјална награда – Диплома од рускиот Volgatech University“, објави Рашковски.
Покрај Рашковски, наградени се уште и Тони Велевски за својот патентиран пронајдок „Опрема за редење и нижење на листови од тутун“ и Саше Јандрески (ученик во II год. од гимназијата „Мирче Ацев“ во Прилеп) за својот патентиран пронајдок „Мултифункционален стерилен медицински шприц“.