Доминик Клајн од петтиот камп „Кирил Лазаров 7“: „Сето ова се работи со срце“
Објавено во: Мои пари 22 Јуни, 2019
Пред два дена во Охрид започна петтото издание на ракометниот камп „Кирил Лазаров 7“. Како и претходните четири и годинава кампот се одржува во две смени и истиот има интернационален карактер, со учество на над 380 деца од 13 земји.
„Не постои подобро место за организација на овој камп ни во Германија ни во Европа ... Сето ова се работи со срце“-изјави поранешниот светски шампион Доминик Клајн .
Како што беше најавено претходно, од самиот почеток на кампот како гости на капитенот пристигнаа и Верољуб Косовац и екс германскиот репрезентативец и поранешен соиграч на Лазаров во француски Нант, Доминик Клајн.
Покрај Косовац и Клајн, следните денови кампот ќе го посетат и повеќето македоснки репрезентативци, како и тренери од Данска и Шведска кои се специјализирани за работа со млади категории.