Добивај вести на Viber
Демократската обнова на Македонија (ДОМ) до Основното јавно обвинителство поднесе кривична пријава против фабриката „Југохром“ од Јегуновце за кршење на Законот за животна средина, непочитување на рокот за еколошко прилагодување и за кршење на Уставот, кој предвидува дека секој е должен да ја унапредува и штити животната средина и природата.
„Кривичната пријава се поднесува за загрозување на здравјето на граѓаните на Тетово и уништување на животната средина, почнувајќи од 11.7.2005 година (кога почнува да важи законот за животна средина) до денес. Југохром не го испочитува Законот и не ги почна навремено набавките на еколошката опрема, па продолжи да загадува со несмалено темпо, не водејќи сметка за поплаките на граѓаните и укажувањата и казните на институциите“, стои во соопштението од партијата.
Како доказ биле приложени податоци за присуството на штетните ПМ10 честички од мерната станица во Тетово за последните неколку години. Од податоците видливо било огромно пречекорување на дозволената граница, особено во последниот период.
Слична кривична пријава ДОМ претходно поднесе и против Макстил.