ДОЛУ НИ СЕ ДЕЦАТА, ЖИВИ СЕ, НО НЕ МОЖЕМЕ ДА СТИГНЕМЕ ДО НИВ - Шокантни сцени по разорниот земјотрес

Добивај вести на Viber

Ројтерс објави шокантна снимка од Хатај на границата на Турција со Сирија во која доброволци им помагаат на спасувачите.

На неа се гледа маж како стои пред урнатините и ја слуша жената, која е закопана, викајќи „Помош!“, додека удира во нешто метално, за мажот да ја слушне.

- Слушајте, ни викаат, закопани се, ни викаат да им помогнеме, но никој не доаѓа. Живи се, но не можеме да ги извлечеме. Видете, мајка ми и татко ми се во оваа пропадната зграда. Не можам да дојдам до нив. Како да ги спасиме? Никој не е дојден од сабајле. Ни викаат, слушајте ги - вели Дениз, кој плаче затоа што не може да стигне до преживеаните.

„Нема војска, нема служба... Никој“

.@AFP photographers capture scenes of devastation in Syria after Monday's earthquake in the southwest Turkey.

Syrian government reports at least 1,444 dead, while the White Helmets rescue group says in rebel-held parts of the country at least 733 people have so far been killed pic.twitter.com/oAluT7IpJZ

— AFP News Agency (@AFP) February 7, 2023

Само во Хатај се уништени над илјада згради. Еден волонтер дојде да помогне од Анкара.

„Спасив жена, тоа е човечки живот. Овде нема безбедносни служби, нема војска, нема никој. Тие останаа сами“, вели волонтерот.

Во текот на ноќта од урнатините е извлечено мало девојче во правливи пижами. Нејзините први зборови беа: „Каде е мајка ми?“.

Децата ни се внатре, не можеме ништо

Спасувачите и волонтерите ги ризикуваат своите животи за да ги извлечат луѓето заглавени под урнатините. Температурите паѓаат, а ризикот од хипотермија опасно се зголемува.

- Децата ни се тука, што да правиме? Погледнете ја оваа зграда, половина е урната, ризикуваме се за да се урне врз нас. Но, што да правиме? Па не викаат, тоа се наши деца - вели еден очаен родител.

- Моите роднини се мртви, внука ми почина, имаше 17 години. Сваќата и трите деца се под урнатините. Молете се за нас, молете се за нас. Немаме никој, погледнете наоколу, никој - вели локален жител.

Во северна Сирија, контролирана од бунтовниците, спасувачите рекоа дека им недостигаат основни работи, како што се гориво и други резерви за да ги извлечат оние што сè уште се заробени под урнатините на нивните домови.

Непознат број луѓе се уште се заробени, а напорите за пронаоѓање на преживеани се отежнати поради студените услови. Лошата интернет-врска и оштетените патишта меѓу некои од најтешко погодените градови во јужна Турција, дом на милиони луѓе, исто така ги попречуваат спасувачките тимови.

Се обидува да ја извлече мајка си од урнатините

Но, Унлу од далечниот град Адијаман, во близина на епицентарот на земјотресот во Кахраманмараш, рече дека од понеделник наутро се обидува да ја извлече својата постара мајка, која е заробена под урнатините на нејзината куќа.

„По земјотресот истрчав до куќата на мајка ми и видов дека зградата се урна. Бев уништена. Ги чекав спасувачките екипи, но тие не се појавија. Почнав да се јавувам на официјални лица, но сите линии згаснаа“, рече тој.

She protected his brother's head under the rubble and greeted us with a smile
Syria this morning, February 7.#TurkeyEarthquake #Turkey #Syria #syriaearthquake #earthquakeinturkey #PrayForTurkey #turkeyearthquake2023 #هزة_أرضية #TurkeyQuake pic.twitter.com/k34pU1gFyZ

— (@Zulqarnain504) February 7, 2023

„Времето е екстремно студено, а немаме храна. Најпрво еден од моите братучеди испрати порака дека е под урнатините и дека можеме да го слушнеме неговиот глас. Беше заробен таму четири часа и на крајот го ископавме.

Поминаа повеќе од 24 часа, а мајка ми се уште е заробена под урнатините. Не знам дали е жива. Ресурсите се толку слаби, но чувствувам недостаток на организација“.

Многу Турци го изразија својот гнев на интернет поради, како што рекоа, небрежност во вонредната состојба во најјужната провинција Хатај, при што многумина се пожалија дека спасувачките операции биле неуспешни.

Во Хатај, земјотресот срамни со земја неколку владини згради, вклучително и локалниот огранок на турската агенција за помош при катастрофи, АФАД.

ФОТО: EPA-EFE/DENIZ TEKIN