Доларот достигна 3-месечен врв, а златото 5-годишно дно
Објавено во: Свет 20 Јули, 2015
Американскиот долар достигна 3-месечен врв, продолжувајќи да трупа профити врз очекувањата дека Федералните резерви на САД ќе ги подигнат стапките.
Во исто време цената на златото падна до најниска вредност за последните повеќе од 5 години, соопшти „Ројтерс“.
Зелените пари постигнаа најдобра неделна презентација за последните речиси два месеци откако претседателот на Федералните резерви Џенет Јелтин потврди дека каматните стапки во САД најверојатно ќе бидат покачени подоцна во текот на годината. Поттик на доларот дадоа и податоците за потрошувачките цени и станови во најголемата светска економија.
Моќта на доларот сепак го повлече златото, со што се намали со над 4%, а платината падна за над 5% до најниска вредност од февруари 2009 година.
Акциите на светските берзи отстапија од дофат на 3-неделните врвови во петокот, иако европските индекси се блиску до највисоките вредности за последните 6 недели. Поттик на европските берзи даваат и ослабените стравови околу Грција, откако банките ги отворија вратите денеска по 3-неделениот одмор.
Американскиот долар достигна највисока вредност од 23 април наваму. Еврото падна на најниско ниво од крајот на април, но успеа да го врати трендот, тргувајќи со пораст од 0,2% за 1.0853 долари.