ДОЈДЕ ДА ИГРА ТЕНИС, НЕ Е ОРУЖЈЕ ЗА МАСОВНО УНИШТУВАЊЕ: Австралискиот тенисер Кирјос ќе носи маска со „Новак“ и маица на која ќе пишува „ИДЕМО“

Добивај вести на Viber

Српскиот тенисер Новак Ѓоковиќ вечерва од 23.30 часот го чека судењето, по што дефинитивно ќе знае дали ќе може да учествува на овогодинешниот Австралија опен.

Неговиот адвокатски тим веќе оствари една „победа“, бидејќи одлуката ќе ја донесе „тричлена комисија“, што значи дека пресудата ќе биде правосилна, па министерот Алекс Хок не може да поднесе жалба, но се добива впечаток дека целата Австралија е против него. Еден од ретките кој е „гласот на разумот“ во целата ситуација е Ник Кирјос.

Ова е најголемото изненадување во целата приказна, бидејќи Кирјос со години е најгласниот критичар на Новак Ѓоковиќ, но најмногу го поддржува од почетокот на драмата во Австралија. За разлика од Рафаел Надал.

-Министерот Алекс Хок вели дека Новак Ѓоковиќ е закана за нашите граници, јас велам не, го третираме како оружје за масовно уништување. Дојде да игра тенис, разбирам дека го напаѓаат затоа што не бил вакциниран, но тој има документација која дозволува игра. Сега сиот гнев го насочија кон него за да го исфрлат од државата. Ништо не направил, само сака да игра тенис. Важно е да игра тука и важно е за спортот, вели додаде Кирјос.

Ник Кирјос не само што навива Новак Ѓоковиќ да си ја врати визата и да игра на Австралија опен, туку и ќе му даде целосна поддршка. Австралиецот нема да учествува на турнирот бидејќи е позитивен на корона вирусот, но доколку српскиот тенисер стигне во финалето, Кирјос ќе биде на трибините.

-Сакам да го освои Австралија опен, а потоа ќе шетам со маица на која пишува „ИДЕМО“ и маска со Новак Ѓоковиќ. Би било кул, изјави насмеаниот Кирјос.

Австралиецот потврди и дека Новак неодамна го контактирал преку социјалните мрежи.

-Новак ме контактираше преку Инстаграм и ми се заблагодари што застанав зад него, не го очекуваше тоа од мене, очигледно е дека е под голем притисок, цел свет е против него. Мислам дека му е потребна човечка поддршка...рече Ник Кирјос.