Добра стратегија за заеднички успех – Шпаркасе Банка спонзор на Кошаркарската федерација на Македонија

Добивај вести на Viber

На заедничка прес конференцијата во Спортскиот Центар Борис Трајковски, Шпаркасе Банка Македонија и Кошаркарската федерација на Македонија го презентираа пред македонската јавност нивното партнерство. Партнерството со КФМ е значаен чекор во поддршката на македонската кошаркарска репрезентација во пресрет на Европското првенство во кошарка кое ќе се одржи во септември во Словенија. Со спонзорството на КФМ, Шпаркасе Банка отвора уште една значајна врата во својата стратегија за корпоративно општествена одговорност. „Македонскиот спорт и култура се главните амбасадори на Македонија - уште една причина повеќе поради која Шпаркасе Банка во својата корпоративна стратегија, има цврсто зацртано да биде безрезервен партнер во двете области. Нашата кошарка е веќе препознатлива во светот. Со спонзорството сакаме да дадеме свој придонес кон зацврстувањето на таа позиција и реномето кое нашите одлични кошаркари го имаат во Европа и во светот. Очекуваме дека репрезентацијата и целиот тим позади нив ќе дадат сѐ од себе да не претстават во најдобро светло и дека Евробаскетот 2013 во Словенија ќе го паметиме како наш голем успех. Им посакувам добра игра, издржливост и многу среќа, а ние од Македонија од се срце ќе бидеме нивниот најверен навивач‘‘, рече г-дин Глигор Бишев, Претседател на УО на Шпаркасе Банка Македонија. Од Македонската кошаркарска федерација пак најавија дека нашата репрезентација ќе ја оправда довербата која и е дадена. „На наше големо задоволство Шпаркасе Банка одлучи да биде наш партнер. Ваквите партнерства претставуваат добра основа за развој и унапредување на македонската кошарка и воопшто, македонскиот спорт. Верувам дека нашата репрезентација ќе ја оправда довербата и ќе ја претстави Македонија, нашата федерација, Шпаркасе Банка и сите други спонзори во вистинско светло. Би сакал да и се заблагодарам на Шпаркасе за несебичната помош и желбата за унапредување на македонската кошарка‘‘, изјави г-дин Даниел Димевски, Претседател на Македонската кошаркарска федерација.