Димитров објави заедничка фотографија со Борис Трајковски: Тогаш не сите го разбираа
Објавено во: Македонија 26 Февруари, 2020
Никола Димитров, министерот за надворешни работи, на 16-годишнината од смртта на поранешниот македонски претседател Борис Трајковски објави ретро-фотографија од деновите кога тој му беше советник за национална безбедност во неговиот кабинет.
Шефот на македонската дипломатија со својот статус на Фејсбук потсети дека своевремено Трајковски не бил разбран и дека некои негови одлуки биле неразбрани и потценувани, но и дека времето потврдило дека тие биле исправни за зацрствувањето на македонската државност.
„Беше голем човек, и буквално и како лидер и како морална сила. Имаше и голема насмевка и широка прегратка. Си го сакаше народот, си ја сакаше Македонија, и душата му се корнеше за нашите маки. Му должиме многу, иако тогаш тоа не сите го разбираа. Кога носеше непопуларни одлуки мислеше на идните генерации, а не на идните избори. Денес живееме во мир и одиме напред, затоа што Претседателот Трајковски беше таму кога и’ требаше на својата земја. Слава ти!“, напиша Димитров.
Можеби ќе ве интересира
ОБВИНИТЕЛСТВО: Поднесена е пријава за поткуп во Велес за две лица
МВР: Имаме пријави за агитирање во Тетово, Скопје, Куманово, Баница, Боговиње, но тие наводи досега не се потврдени
БАЈРАМИ: Наводите за поткуп ќе се проверат и ако има докази, ќе следи обвинение
ОДЗИВ ДО 11 ЧАСОТ: 12,87 oтсто за претседателските, 13,69 отсто за парламентарните избори
РАДУША: Дупнати гумите на возилото на еден набљудувач
ДАШТЕВСКИ: Нема бојкот, сите што излегле на парламентарни, гласале и за претседател
ТОШКОВСКИ: Во текот на вчерашниот ден имаше незаконски дејствија
