ДЕНЕСКА ПРВА СЕДНИЦА НА НОВИТЕ ПРАТЕНИЦИ - почнуваат разговорите за владино мнозинство
Објавено во: Македонија 04 Август, 2020
Денеска земјава треба да го добие новиот Парламент. Вчера излезе од Ифективната клиника собранискиот спикер Талат Џафери, најавувајќи дека е во добра состојба. За денеска е подготвен да ја води првата Конститутивна седница, која ќе почне во 12 часот.
„Се чувствувам добро и мислам дека веќе е извесно дека јас ќе претседавам со конститутивната седница утре“, рече Џафери.
Место во сала Македонија, седницата ќе се води во Големата сала, позната на јавноста како Голема купола, каде има место за 600 лица, а на соодветна дистанца, со маски, пратениците место електронски ќе креваат картончиња за гласање. Причина за ова е коронавирусот.
Според дневниот ред, денеска прво треба да се случи избор на претседател и членови на Верификационата комисија на Собранието, потоа верификација на мандатите на пратениците, избор на претседател, заменик на претседателот, членови и нивни заменици во собраниската Комисија за прашања за изборите и именувањата, како и избор на претседател на Собранието. Денеска има многу мала веројатност да биде избран нов претседател на парламентот, бидејќи тоа би значело дека е формирано владиното мнозинство, што не е случај, туку токму денеска треба формално да започне.
Официјална средба ќе се одржи денеска меѓу лидерот на СДСМ, Зоран Заев и на ДПА, Мендух Тачи. Нема детали за тоа дали Заев има закажано други состаноци. Лидерот на ДУИ, Али Ахмети, за денеска нема состаноци со политички лидери. Како што јави Алсат, од ВМРО ДПМНЕ немале информации за средба на нивниот лидер Христијан Мицкоски со некој од лидерите на политичките партии претставени во Собранието. Мицкоски пред неколку дена најави дека по конституирањето ќе ги започне состаноците на ниво на лидери, што според него ќе се одржат во Собранието. Коалицијата Алијанса за Албанците и Алтернатива досега не соопштиле за средби за обезбедување парламентарно мнозинство.
Инаку, од денеска тече рокот од 10 дена во кој според Уставот претседателот мора да му го довери мандатот на лидерот или на партијата што ќе обезбеди мнозинството во Собранието. Во овој период се очекува засилување на разговорите меѓу лидерите и формирање на преговарачки групи. Откко ќе го добие мандатот, мандатарот има рок од 20 дена да формира влада.
Можеби ќе ве интересира
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
Крмов од Велес: Велешани ја препознаваат Левица како единствена опција која потекнува од народот
ИМА НЕДВИЖЕН ИМОТ НА СВОЕ ИМЕ, ДОСЕГА Е НЕОСУДУВАН... - од Врховен суд ги изнесоа причините зошто не треба затворски притвор за таткото на Вања
„АКО СЕ БИДЕ ВО РЕД, ВО ИДНАТА ВЛАДА ЌЕ БИДАТ ЗАЕДНО ВМРО-ДПМНЕ И ЗНАМ“ - новинарот Латас со прогноза
Левица во Битола оддаде почит на загинатите бранители во Вејце
