Ден пред Европскиот совет остануваат отворени прашања во врска со барањата на Велика Британија
Објавено во: Свет 17 Февруари, 2016
Деноноќие пред почетокот на Европскиот совет, кој ќе ги разгледа барањата на Велика Британија за останување во Заедницата, остануваат отворени прашања.
Се очекува едвај вечерва да бидат подготвени последните предлози за решенија на државите и влади на ЕУ. Сеуште не е изготвен конечниот нацрт за заклучоците, а Велика Британија ќе биде тема на претстојниот состанок и утре, и во петокот, прецизирал дипломат за агенциите.
Според неговите зборови, претседателот на Европскиот совет, Доналд Туск е убеден дека ќе биде постигнато решение кое ги задоволува сите и нема да е во спротивност со правилата на ЕУ.
Предвидено е отстапките кои ЕУ би ги направила за Лондон, да стапат во сила, само ако Британците се изјаснат за останување на нивната земја во Заедницата. Предвидено е овие попусти да бидат правно обврзувачки и неповратни.
Досега остануваат неразјаснети прашањата за механизмот за блокирање на европско законодавство од националните парламенти; за времетраењето на заштитниот механизам поврзан со исплата на социјални надоместоци на странци; прашањето за интеракцијата помеѓу земјите во еврозоната и оние во ЕУ, кои не јакористат заедничката валута.
По прашањето за миграцијата Европскиот совет нема да прифаќа нови мерки, а ќе разговара за примената на веќе донесените одлуки. Ќе биде дискутиран планот за соработка со Турција, а во пресрет на седницата е закажана средба на Туск со турскиот премиер Ахмет Давутоглу. Не е најсоодветно време за поведување нови иницијативи, коментира дипломатот.
Тој прецизира дека се предвидува дискусија на прашањето со Шенген и Грцијота во светлината на можноста за продолжување на внатрешната гранична контрола во Шенген зоната. Не станува збор за привремено исклучување на Грција од Шенген, а за можност проверките по границите на Германија и Австрија да бидат продолжени и по мај, кога истекува максималниот рок предвиден за спроведување на закони, прецизира дипломатот.