Демаскирање на Путин и Западот.
Главниот виновник за војната во источна Украина и за жртвите во овој конфликт одамна е познат. Само што постојано се повторува дека не можеме да се откажеме од соработката со него...
Објавено во: Свет 29 Септември, 2016
Овој извештај не е плод на брзоплетост. Во текот на две години инспектори од четири држави собираа факти, со чија помош сакаа да воспостават и докажат кој го собори Малајскиот патнички авион со близу триста патници над источна Украина. А дека авионот навистина е соборен - тоа дури ни Москва не го негира. Но цело време Русија се обидуваше да ја префрли вината на Украина. Иако од самиот почеток имаше индиции дека авионот бил соборен од сепаратистите поддржани од Русија, вели Бертолд Колер од Франкфуртер Алгемајне Цајтунг.
Објавените вчера резултати од истрагата нема да влијаат на луѓето кои подлегнуваат на руската пропаганда и веруваат дека ова е уште еден западен заговор против сиромашната, опколена Русија и против брилијантниот демократ, кој ја раководи. Но независните набљудувачи веќе речиси не се сомневаат кој е главниот виновник за трагедијата: оној кој дал наредба за пукање во авионот (без разлика дали намерно или по грешка), оној кој до ден-денешен ги снабдува сепаратистите со најсовремено оружје, без чија помош украинската армија одамна ќе ги победеше. Путин сепак од почетокот негира и улога на снабдувач, без оглед на тоа дека единствено политичарите, кои ги затвораат очите пред фактите кои не се вклопуваат во нивната измислена реалност, не забележуваат прилив на луѓе и материјали од Русија кон Источна Украина.
На 17 јули 2014 година на територијата контролирана од сепаратистите, добро обучен воен персонал (бидејќи лансерот „Бук“ не може да се користи од аматери) изврши не само криминал, но и груба грешка при обидот да ги прикрие трагите: мачејќи се да се ослободат од оружјето со кое е извршено злосторството, извршителите ги вратија ракетните лансери таму, од каде што ги добија - во Русија. Но што од тоа, прашува Колер.
Извештајот на иследниците уште еднаш го демаскираа Путин. Но тој го демаскира и Западот, кој со ангелско трпение продолжува да ги слуша басните и лагите на Москва, бидејќи очигледно не сака да зборува со рускиот претседател на единствениот јазик, кој тој го разбира. Германското Министерство за надворешни работи на пример соопшти дека истрагата веќе била „поблиску до оние кои носат одговорност“. Таква порака нема да го вознемири Путин.
Главниот виновник за војната во источна Украина и за жртвите во овој конфликт одамна е познат. Само што постојано се повторува дека не можеме да се откажеме од соработката со него, додава новинарот за ФАЦ.
Можеби ќе ве интересира
Стратегија за надминување на проблеми со недостиг на лекари специјалисти, бара научната фела
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
