Дали САД му врти грб на Албин Курти?
Објавено во: Балкан 31 Јануари, 2023
Според косовски аналитичари, Вашингтон го игнорира косовскиот премиер Албин Курти.
Амбасадата на САД во Приштина организира дискусија за Заедницата на српски општини, а на овој настан не е повикан косовскиот премиер Курти. Експертот за политички прашања Арбнор Садику објасни дека ова игнорирање е јасна порака од САД за Курти.
„Игнорирањето на премиерот Албин Курти од страна на американската амбасада е доказ дека косовската страна не е таа која соработува со Западот околу постигнувањето договор за ЗСО, а истовремено е предупредување дека САД навистина можат да формираат ЗСО на Косово и без Самоопределување и Аљбин Курти“, истакнува Садику.
Бељгзим Камбери од Институтот Мусине Кокалари вели дека во случај на дискусијата за ЗСО да нема претставници на косовската влада дека тоа ќе докаже дека дошло до влошена комуникација.
Советникот во американскиот Стејт департмент, Дерек Шолe и специјалниот пратеник на САД за Западен Балкан, Габриел Ескобар, велат дека е време да се формира заедница на општини со српско мнозинство и дека тоа е правно обврзувачка меѓународна обврска.Сега на маса е француско - германски предлог за кој српскиот претседател Александар Вучиќ трпи критики.
фото EPA