Дали лекот фавир помага: Филипче бара да не се купува на црно
Објавено во: Македонија 05 Декември, 2020
Нема посебен и специфичен лек за ковид и граѓаните да не посегнуваат да купуваат непроверени лекови на интернет и на црно, рече денеска министерот за здравство д-р Венко Филипче.
„Насекаде во светот има многу клинички студии кои испитуваат, ние знаеме дека специфичен и посебен лек за оваа болест нема. Се прави комбинација на постојни терапии за други болести или согласно симптомите коишто ги дава оваа болест. Мора да знаеме дека има навистина широка лепеза на симптоми со коишто оваа болест може да се манифестира. Во таа смисла апелирам да секој еден пациент во консултација со матичниот лекар или за време на болничкото лекување, апсолутно само под контрола на лекар да прими соодветна терапија“, потенцираше Филипче.