Дали Биткоин меурот конечно ќе пукне?

Добивај вести на Viber

Вредноста на Биткоинот е во слободен пад и криптовалутата се враќа на најниските граници, па од 10 илјади падна на девет, а сега е со вредност под осум илјади што е за прв пат по ноември минатата година кога се чинеше дека неговиот раст ќе нема крај, па затоа и економстите прогнозираат дека постои опасност наскоро да пукне биткоин меурот.

Се поизвесно е дека инвеститорите ќе ја губат довербата во оваа фамозна криптовалута и ќе се обидат да ги продадат дигиталните средства со цел да добијат каква таква вредност, односно или кеш или некој производ купен преку онлајн трансакции. 

Проблемот за битконот е што се повеќе влади низ светот преку министерствата за финансии и централните банки најавуваат се построги регулативи за криптовалутите, а многумина од нив забрануваат биткоинот да се користи во реалниот платежен промот со што практично сопствениците на овие средства не знаат што точно да направат. 

Исто така последниве неколку недели се катастрофални за биткоинот со повеќе лоши вест како фамозниот грабеж на јапонската крипто берза кога беа проневерени средства со вредност од половина милијарда долари со што се урна митот дека криптовалутите се најбезбедното средство на планетата, потоа бројни измами со почетни крипто понуди, како и најавата на Facebook дека ќе забрани било какви реклами на својата мрежа за криптовалути.