Ципрас: Го предизвикував Груевски, но тој одбиваше да седне на маса
Објавено во: Македонија 20 Мај, 2019
Грчкиот премиер Алексис Ципрас во своето денешно интервју за „Фајненшел тајмс“ вели дека го предизвикувал и поранешниот премиер на Македонија, Никола Груевски, да седнат на маса и да се договорот за спорот со името, но дека тој одбивал каква било средба.
Ципрас ова го илустрира преку откривање на неговиот разговор со германската канцеларка Ангела Меркел во Берлин.
"Груевски беше човек кој никогаш не сакаше да преговара. Се сеќавам бев во Берлин и се сретнав со Меркел. Долго време зборувавме за финансиската криза, долгот, дефицитите, меморандумите и надворешната политика. Сакам да го решам овој проблем дури и со Груевски, и реков. Ќе го предизвикам, барајќи од него да седне на маса и ќе знае дека ќе биде обвинет дека не сака решение доколку не го стори тоа“, наведе Ципрас.
Со овој разговор Ципрас сакал да докаќе дека бил посветен на напредокот во врска со ова прашање на почетокот од својот мандат како премиер иако како што вели, тоа би било тешко кога станувало збор за Груевски."Реков дека моето мислење е поинакво. Моето гледиште е дека Грција ќе има корист само ако успееме да ги решиме споровите со нашите северни соседи. Грција има доволно разлики со соседите на исток - не ни требаат повеќе проблеми со нашите северни соседи, особено ако сметам дека тие се земји што не се закана за Грција ", вели Ципрас.
Според него, Меркел не му верувала дека е подготвен на таков чекор, но според него, тој го докажал спротивното.