Чудна помош: АЕК и донирал на Владата 20 милиони денари, а 55 милиони за Ковид-19 фондот
Објавено во: Економија 29 Март, 2021
Агенцијата за електронски комуникации и била донатор на Владата со 20 милиони денари минатата година, во помалку чудна трансакција ако се знае дека регулаторот на мобилните и кабелските оператори вообичаено ги помага граѓанските и јавно-општествените институции.
По претходни три години во низа минимални издвојувања за донации, АЕК минатата година бил „златна кокошка“ за справувањето со корона-кризата со приходите собрани од мобилните и кабелските оператори.
Регулаторот во 2020 донирал вкупно 126.150.000 денари, од кои најголемиот дел за Ковид-19 фондот на Владата, кој за тоа биле исплатени 55 милиони денари, според годишниот извештај што го објави деновиве АЕК за своето работење минатата година.
Покрај 55-те милиони денари за владиниот Ковид-19 фонд, биле исплатени уште 20 милиони денари на барање на Владата, но овој пат не за фондот. За Оперативно-техничката агенција (ОТА) биле исплатени уште 20 милиони денари.
Од останатите донации, Градската општа болница „8 Септември“ добила околу 5,25 милиони, за Факултетот за електротехника и компјутерски технологии се издвоиле околу 2,8 милиони денари, а 4,5 милиони денари биле донирани за три приватни универзитети
Ракометниот клуб Металург добил 14 милиони денари, додека кошаркарскиот МЗТ Скопје повлекол 2 милиони. Помалку од милион денари имало и за СОС Детско Село, ЈЗУ Гастроентерохепатологија, ТВ канал Вис и Еуро-Фарм Битола.
Минатата година била најголема донаторска, по оние во 2015 и 2016, кога годишно се трошело и над 200 милиони за оваа намена.
А.К.
Можеби ќе ве интересира
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
ФАКТОР АНАЛИЗА: Скопските ИТ компании доминираат со направените добивки кај програмерите
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
