БУЏЕТ 2018: Покачување на платите во темелите на општеството - образованието и во здравството

Добивај вести на Viber

Како Владата ќе помогне во зголемување на нивото на платите?

Ова прашање денеска синдикатите му го поставија на министерот за финансии Драган Тевдовски на јавната дебата на која беше претставен Предлог буџетот за 2018 година. 

Од страна на министерот беше истакнато дека веќе се преземаат мерки за зголемувањето на општото ниво на платите со покачување на минималната плата, а дека следната година ќе има покачување на платите во темелите на општеството, односно во образованието и во здравството. Исто така министерот за финансии истакна дека со економскиот раст ќе се придонесе кон зголемување на платите во сите сектори.

Министерот ја информираше јавноста дека се предвидени повисоки плати од десет проценти за армискиот состав.

Како што рече министерот Тевдовски обезбедени се средства со кои платите во јавносто здравство ќе се зголемат за 5 проценти. Докторите и медицинските сестри ќе имаат зголемени плати, а се најавува исто толку да се зголемат платите во основните и средните училишта и во градинките.

За првпат Министерството за финансии го вклучува граѓанскиот сектор, синдикатите и стопанствениците во процесот на донесување на буџет.

До 15 ноември Владата треба да го достави Предлог буџетот до Собранието, а до 31 декември Собранието треба да го изгласа Буџетот.