Британците сакаат европските мигранти да останат во земјата и по Брегзит
Објавено во: Свет 22 Август, 2016
Повеќе од 80% од Британците сакаат мигрантите од ЕУ, кои во моментов живеат во Велика Британија, да останат дури и по Брегзит.
За тоа сведочат резултатите од истражувањето на организацијата „Британска иднина“, пишува The Guardian.
Според истражувањето повеќе Британци спаѓаат во графата „немирна средина“, кои се загрижени од притисокот на големата миграција, но и прифаќањето на придобивките кои мигрантите ги носат на економијата и на општеството во целина.
Според истражувањето три четвртини од анкетата се согласуваат со повикот за „разумна имиграциска политика, која го контролира доаѓањето во Велика Британија, ја задржува миграцијата, која е добра за британското општество и економија и ја одржува британската традиција да се дава азил на бегалците кои имаат потреба од заштита“.
Истовремено 84% од анкетираните се на мислење дека европските граѓани, кои во моментов живеат во Велика Британија, треба да останат. Само 12% сакаат намалувањето на бројот на висококвалификувани мигранти кон земјата, а 46% се за зголемување. 42% се на мислење дека нивниот број треба да остане ист. 62% сакаат ниско квалификуваните работници да се намалат.
Истовремено речиси 53% сметаат дека бројот на бегалците треба да се намали, додека 33% се на мислење дека Велика Британија треба да даде азил на истиот број.