Британија надвор од ЕУ и без одлука на парламентот?

Добивај вести на Viber

Британскиот премиер Тереза ​​Меј ќе ја стартува официјалната процедура за излез на Велика Британија од ЕУ без гласање во парламентот, пишува „Дејли телеграф3. Според противниците на Brexit, бидејќи резултатот од референдумот од 23 јуни е со препорачан карактер, тој мора да биде одобрен и од двата дома на парламентот.

Според извори на весникот Меј верува дека одлуката е конечна и нема да им даде шанса на противниците да го запрат излегувањето од Унијата. „Премиерот е апсолутно категоричен дека британското општество гласал и сега таа ќе се зафати да го исполни Brexit“, тврди информатор од Даунинг стрит.

Според „Дејли телеграф“ премиерот веќе се распрашува до владините правници и тие проценија дека нема пречки за донесената одлука.

Весникот претпоставува дека една од причините за одлуката на премиерот е очигледно мнозинство во двата дома на парламентот на приврзаниците за останувањето во ЕУ. Во Долниот дом, на пример, против Brexit агитираат 480 од вкупно 650 пратеници. Затоа, може да поминат години додека владата добие одобрување од долниот дом на парламентот да го активира Член 50.