БРЕГЗИТ ОПАСЕН ЗА ФУНТАТА: Британската валута ќе го загуби статусот на резервна валута?!
Објавено во: Свет 27 Јануари, 2017
Статусот на британскaта фунта како глобална резервна валута ќе биде „постојано неумесен“ откако Велика Британија ја напушти ЕУ, покажуваат новите истражувања на Дојче банк.
Ова може да биде штетно за Обединетото Кралство, кое се потпира на силниот статус на фунтата како светска резервна валута и поврзани со овој факт солидни дојдовни капитални текови во земјата, потребни за покривање на дефицитот на тековната сметка.
Според истражувањето на водечката германска банка, улогата на фунтата во составот на официјалните девизни резерви (COFER) на ММФ опадна во последните месеци и се очекува да се намали дополнително, бидејќи улогата на Британија во светската економија ќе ослабе по Brexit. Дојче банк проценува дека од почетокот на 2015 година уделот на британската фунта во глобалните девизни резерви, определени од редовни анализи на ММФ, е намален од 15% до под 10 проценти, како во овој момент овој удел во COFER дури е намален до 5% на 20% за еврото и 63% за американскиот долар.
Банката прогнозира дека оваа ерозија ќе продолжи со оглед на фактот дека од 2015 година наваму кинескиот јуан исто така, започна да се користи со статус на официјална светска резервна валута. Британската фунта се обезвредни со повеќе од 15% по референдумот од крајот на јуни 2016 година, на кој Британците гласаа за излез од ЕУ.
Денеска фунтата се тргува малку над 1,2500 долари, откако во октомври 2016-та година падна за кратко на 31-годишно дно меѓу 1,1800 и 1,1650 долари.