БОРБА ЗА ЕДНАКВОСТ: Бизнисмен ќе ги плаќа казните за буркини на плажа
Објавено во: Свет 23 Август, 2016
Додека голем број на градови во Франција најавија забрана за Буркина на плажа (костим за капење), а политичарите во Германија истражуваат дали да не наметнат делумна забрана за бурка, еден бизнисмен се бори со забраните вооружен ... со парите.
Рашид Неказ, богат алжирски бизнисмен и активист за човекови права, објави дека е подготвен да ја плати казната на секоја една муслиманка казнета во Франција за носење на Буркина, пишува CNN.
„Решив да ги платам сите казни на жените кои носат Буркина за да ја гарантирам нивната слобода да ја носат таа облека, а најмногу да ја неутрализирам примената на овој неправеден закон“, коментира Неказ.
Рашид има бизнис во областа на недвижностите. Тој признава дека не го одобрува носењето бурка и соодветната облека на плажа, но верува дека во демократска земја никој нема право да му забранува на друг човек да ја носи облеката што ја сака.
„Кога видам дека Франција не ги почитува фундаменталните слободи, јас секогаш ќе ја извадам својата чекова книшка“, вели бизнисменот.
Во април 2011 година Франција стана првата европска земја која го забрани јавното носење на бурка. Прекршителите треба да платат казна од 150 € и да вложат општествено корисна работа.
Овој месец Кан, како и уште градови на француската ривиера забранија носење на Буркина - облека за плажа, која соодветствува со исламските барања за покривање на женското тело.